У Расіі сёння ўступіў у сілу закон, які абавязвае ўладальнікаў VPN-сэрвісаў і так званых ананімайзераў зачыняць доступ да забароненых сайтаў — паведамляе BBC. Закон, падпісаны Пуціным у ліпені, паводле задумы стваральнікаў павінен закрануць усе вядомыя інструменты абыходу блакаванняў і дасягненні ананімнасці ў інтэрнэце, у тым ліку ананімны браўзэр Tor.
«У Расіі ёсць 25-30 проксі- і VPN-сэрвісаў, папулярных у насельніцтва. Сярод іх — cameleo.ru, 2ip.ru і іншыя. Яны ўсе выказалі гатоўнасць выконваць закон», — сказаў выданню РБК кіраўнік Роскомнагляду Аляксандр Жараў.
Пры гэтым ён прызнаў, што ёсць яшчэ сотні тысяч дробных VPN-сэрвісаў, блакаваць якія значна складаней. «Але закон арыентаваны ў першую чаргу на найбольш папулярныя ў грамадзян сэрвісы», — адзначыў Жараў.
Праваабарончая арганізацыя Amnesty International пасля падпісання закона заявіла, што папраўкі сталі «сур'ёзным ударам па інтэрнэт-свабодзе» у Расіі.
Хто будзе Цэрберам?
Сачыць за выкананнем забароны будзе федэральная дзяржаўная інфармацыйная сістэма (ФГІС). Па запыце паліцыі Роскомнагляд будзе вызначаць правайдэраў, якія прадастаўляюць доступ да VPN-сэрвісам і ананімайзэраў.
Ад правайдэраў запатрабуюць падлучыцца да ФГІС і падаць дадзеныя аб уладальніку ананімайзэру, які таксама будзе павінен падлучыцца да сістэмы. Пасля гэтага ад уладальніка сэрвісу запатрабуюць зачыніць доступ да сайтаў, занесеных у спіс забароненых. Калі ўладальнік адмовіцца - ананімайзэры заблакуюць.
У папраўкі ўключаны таксама абмежаванні для пошукавікаў. Калі сэрвісы будуць паказваць спасылкі на сайты з рэестра забароненых, іх будуць штрафаваць. У тэставанні, па інфармацыі рэгулятара, удзельнічалі «Лабараторыя Касперскага», Mail.Ru і Яндэкс.
Таксама ўдзельнічаць у тэставанні гатовыя Rambler, «Спутнік» і ананімайзэры 2ip.ru і 2ip.io, паведамляла ведамства.
Ці рэальна заблакаваць Tor?
Цалкам зачыніць доступ да Tor у Роскомнагляду не атрымаецца. Гэты браўзэр выкарыстоўвае не толькі адкрытыя сеткавыя адрасы, але і закрытыя, якія заблакаваць амаль немагчыма. Іх Tor выдае па запыце карыстальніка.
У Беларусі ўжо спрабавалі заблакаваць Тор. Па стане на снежань 2016 года цэнзары дадалі ў чорны спіс каля 6 тыс. з 7 тыс. публічных адрасоў Tor, якія дзейнічаюць па ўсім свеце.
Гэта прывяло да таго, што колькасць карыстальнікаў непублічных сеткавых адрасоў пасля пачатку блакавання вырасла з 250 чалавек да 3 тысяч чалавек, паведамляла «Еўрапейскае радыё для Беларусі». У той жа час колькасць карыстальнікаў публічных адрасоў знізілася нязначна — з 3 тысяч да 2,6 тысяч чалавек.
Каментары