Для праекта «Час жанчын» віцебская мастачка Анастасія Ганчарова зварыла халоднае. Але папярэдзіла: спрабаваць яго не варта. Нясмачнае — пераперчанае, тлустае, жэлаціну занадта шмат, ды і сякія-такія тэхнічна-будаўнічыя дамешкі ёсць. Кавалак халоднага ў выглядзе галавы Уладзіміра Леніна — гэта частка інсталяцыі пад назвай «12 нажоў у спіну рэвалюцыі», распавядае kp.by
— У год стагоддзя рэвалюцыі да вобразу Леніна звяртаюцца многія, бо гэта яе сімвал, мем, — тлумачыць Настасся выбар тэмы. — А чаму з халоднага? Гэта жаночы спосаб выказацца.
Жанчына-мастак, нягледзячы на тое, што яна творчая асоба, вымушана шмат часу аддаваць сям'і, побыту. Харчовыя прадукты — гэта тое, з чым працуе любая жанчына. Можна было, вядома, пірог спячы. Але для мяне халоднае з дзяцінства — сімвал вяршэнства дробязяў жыцця, поўнага растварэння ў побыце.
700-грамовы Ленін звараны са свініны. Дабаўкі традыцыйныя: морква, гарошак, перац. З нетрадыцыйных — неядомыя матэрыялы формы, у якую залівалі халоднае. Для яго вырабу было не так шмат часу, таму зрабіць так, каб Леніна можна было з'есці, не ўдалося. І гэта вельмі сімвалічна, лічыць Анастасія.
— Рэвалюцыя ж таксама задумвалася як нешта «ядомае», светлае, а атрымаліся — чырвоны тэрор, галадамор, грамадзянская вайна…
Цяпер чытаюць
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках66
Аляксандр Надсан першы раз прыехаў у Беларусь пасля сарака гадоў эміграцыі. Мінская моладзь нечакана знайшла ў ім тое, чаго не бачыла ў сваіх бацьках6
«Калі і прыеду ў Беларусь, то ўжо як турыст». Аргенцінец хацеў зрабіць бізнэс у Беларусі, але яго выслалі за драбязу. Цяпер дазволілі вярнуцца, але ёсць нюанс22
Каментары