Ужо прыемнай традыцыяй становіцца тое, што сетка рэстаранаў McDonald's апошнім часам асабліва актуалізуе для беларусаў каштоўнасці роднай мовы і нацыянальнай кухні. Час, трэба сказаць, падабраны для гэтага досыць удалы: дні становяцца ўсё карацейшымі, а з неба ліе, то дождж, то мокры снег. У такія хвіліны хочацца чагосьці святочнага, яркага, прыгожага.
McDonald's прапанаваў сваім наведнікам сучасныя варыяцыі традыцыйных беларускіх страваў: дранікі са смятанай і «панскія» бургеры. А бонусам да гэтага ідзе нечаканая забаўка — стаць дударамі.
Не, дудар — гэта не зусім той, хто грае на дудачцы. Дуда — куды больш сур’ёзны музычны інструмент, які патрабуе адпаведнай падрыхтоўкі. Гэта такі беларускі аналаг шатландскай валынкі. Некалі дуды практычна цалкам зніклі з тэрыторыі Беларусі, але потым, намаганнямі энтузіястаў, гэта майстэрства адрадзілася зноў.
Дуда — інструмент старажытны і архаічны. Без дуды не абыходзілася ніводнае свята, ніводная радасная падзея. «Без скрыпачкі, без дуды ходзяць ногі не туды».
Беларусы верылі, што на дудзе ўмеюць граць як бог, гэтак і чорт. І ў прыказках гэта адлюстравалася: «Яго бог зайграў у дуды», — так казалі пра чалавека, якому пашанцавала.
Вось і сёння, таму, хто авалодае азамі дударскага майстэрства, пашанцуе на бонус ад McDonald's. Перш-наперш патрэбна спампаваць мабільны дадатак Duda. Знайсці яго можна як для айфонаў, гэтак і для андроідаў.
Абіраеце від дуды — а яна ёсць з такіх важных для беларусаў дрэваў, як ясень, вярба, клён і вішня, — а таксама песню. Для выканання прапануюць тры кампазіцыі: неўміручую «Купалінку», інструментал «Святочная», а таксама «Мая краіна Беларусь». Помніце гэты хіт гурту «Без білета»? Простыя словы, якія ад пачатку 2000-х запомніліся ўсім: «Лай-лай-лай, мая краіна Беларусь». Дакладна ж слухалі яе па радыёкропках, калі праводзілі канікулы ў вёсцы, ці па тэлевізары за святочным сталом.
Вызначыліся? На гэтым можна пачаць дудзець. Вось тут вы, напэўна, і згадаеце, што дуда не паддаецца абы-каму: каб з гонарам выканаць заданне, трэба мець не толькі добры музычны слых, але і выдатны спрыт.
З неба падаюць сняжынкі, а ваша задачка — своечасова ціснуць на адтулінкі дуды.
Толькі паспявай сачыць за гарэзніцамі. Калі рабіць усё правільна, то нараджаецца знаёмая вам музыка. Уважліва прачытайце правілы: калі ў сняжынкі доўгі хвост, то трэба не проста ціснуць, але і ўтрымліваць палец на адтуліне. Гэта ўскладняе задачу, але хто абяцаў, што навучыцца граць на дудзе будзе проста?
Толькі самы майстравіты дудар зможа разлічваць на ўдачу. Патрэбна не прапусціць ніводнай сняжынкі. А ў залежнасці ад таго, якую песню выконваеш, атрымліваеш выгадную прапанову, якая дазволіць ашчадзіць ад 10% да 30% цаны на «панскі бургер».
Што такое «панскі бургер»? Гэта адмыслова зробленая жытнёвая булачка. Больш такой вы не знойдзеце нідзе. А яшчэ разам з ёй у камплекце ідуць ялавічына, сыр, цыбуля, грыбы. Здаецца, усё проста. Але ж самая смачная ежа простая. Вопыт вашых бабуль і дзядуляў не дасць падмануць.
Публікуецца на правах рэкламы
ТАА «Блу Медыя» УНП 191173622
Цяпер чытаюць
«Вайна ўсё спіша». Беларускім удзельнікам гей-прайда ў Вільні пагражалі расправай ад імя беларускіх ваяроў за выкарыстанне бела-чырвона-белага сцяга146
Каментары