Паўстанцы ў сталіцы Емена горадзе Сана забілі зрынутага дыктатара краіны Алі Абдалу Салеха і захапілі ў палон ягонага сына.
У інтэрнэт выкладзенае відэа, як цела Салеха цягнуць па вуліцы на коўдры ў вялікія чырвоныя кветкі.
Салех кіраваў Еменам з 1978 да 2012 года. Ён сышоў у адстаўку пасля масавых пратэстаў. 2 снежня ён перайшоў на бок Саудаўскай Аравіі, якая ўмяшалася ў грамадзянскую вайну ў краіне на баку адной з сілаў. Гэтаму папярэднічалі ягоныя перамовы з Расіяй, Іарданіяй і Арабскімі Эміратамі. Пасля некалькіх дзён баёў паўстанцы-хуці захапілі ягоны дом і застрэлілі яго.
За час свайго кіравання Салех, ягоныя сем братоў, дзеці і пляменнікі назапасілі на банкаўскіх рахунках мільярды даляраў.
Не варта думаць, што паўстанцы прынясуць краіне дэмакратыю. 27-мільённы Емен падзелены на плямёны і кланы, якія змагаюцца між сабой. Хуці — шыіты, ім процістаяць суніты, Салех нейкі час уваходзіў у кааліцыю з хуці.
***
На тэлеграм-канал «Нашай Нівы» можна падпісацца тут.
Цяпер чытаюць
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак6
Жонка адгаворвала падпалкоўніка ДФР браць хабары, а той казаў «атрымаю палкоўніка — і на пенсію»: першая пенсія прыйшла ўжо на арыштанцкі рахунак
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1414
Каментары