Гатуем з «Суседзямі»: хатні цірамісу з тварагу не горш, чым у шэф-кухара ВІДЭАрэцэпт
Класічны рэцэпт італьянскага дэсерту цірамісу патрабуе выкарыстоўванне інгрэдыентаў, якія можна набыць не ў кожнай беларускай краме (сыр маскарпонэ, печыва саваярдзі). Хутчэй і танней можна зрабіць варыяцыі гэтай салодкай стравы — напрыклад, з тварагом і звычайным беларускім печывам. Паверце, таксама атрымліваецца смачна.
Што вам спатрэбіцца?
- Тварог, 400 грамаў*;
- Печыва, 200 грамаў*;
- Смятана, 4 лыжкі*;
- Цукар, 1 шклянка;
- Ванільны цукар, 1 пакецік;
- Кава, 1 сталовая лыжка;
- Какава, 1 сталовая лыжка.
Пачнём з гатавання тварожнай пасты. У талерцы змяшайце тварог і ванільны са звычайным цукрам. Дадайце смятану, і ўсю гэтую масу добра парасцірайце з дапамогай блендара. Зварыце каву, і ў яшчэ гарачы напой акуніце кавалачкі печыва, каб яны добра набраліся яго смаку. Сервіраваць гатовы дэсерт рэкамендуем у глыбокіх шкляначках: першым слоем ідзе печыва, далей — тварожная паста і гэтак далей, па чарзе. У канцы для паху і ў якасці ўпрыгожвання раім пасыпаць дэсерт какавай.
Смачна есці!
* На вылучаныя тлустым тавары з 6 па 19 снежня у крамах «Суседзі» дзейнічаюць перадсвяточныя зніжкі: смятану «Свежыя навіны» можна купіць за 1,55 замест 1,89 рублёў, а тварог «Славянскія традыцыі» за 1,75 замест 2,08 рублёў. Частка ж цаны з печыва «Слодыч» адпраўляецца ў купілку пастаянных пакупнікоў.
Публікуецца на правах рэкламы
Цяпер чытаюць
Беларуска кліча на вяселле зорку «Універа», які за вайну. Упрэгся ўвесь Threads13
Каментары