Суд штата Канектыкут адхіліў прашэнне абаронцаў жывёл аб прызнанні трох сланоў з перасоўнага заапарка асобамі. На думку актывістаў, гэта дапамагло б абараніць жывёл, паведамляе The Washington Post.
Амерыканская арганізацыя па абароне жывёл The Nonhuman Rights Project звярнулася ў суд у лістападзе Гаворка ў дакуменце ішла пра трох жывёлаў з вандроўнага заапарка Commerford Zoo. Зоаабаронцы патрабавалі адпусціць сланоў на волю.
Аўтары дакумента настойвалі на тым, што ў сланоў «ёсць самасвядомасць, яны памятаюць мінулае і могуць планаваць будучыню, удзельнічаюць у складаных формах зносін, дэманструюць эмпатыю і смуткуюць па памерлых».
Суддзя назваў довады «абсалютна беспадстаўнымі», адзначыўшы, што для задавальнення запыту няма ні прававых падставаў, ні адпаведнага прэцэдэнту.
Каментары