Навука і тэхналогіі1212

Навукоўцы высветлілі, як хутка вымруць людзі, калі ўсе стануць канібаламі

Навукоўцы высветлілі, што чалавецтва знікне з Зямлі прыкладна праз тры гады, калі ўся ежа знікне з паверхні планеты, і ўсе яе насельнікі стануць канібаламі, гаворыцца ў артыкуле, апублікаваным у Journal of Physics Special Topics.

AFP 2017/Peter Parks

За апошнія гады навукоўцы знайшлі мноства сведчанняў таго, што першыя жыхары Еўропы маглі харчавацца мясам сваіх ворагаў або супляменнікаў.

Нядаўна вядомы палеагенетык і палеантолаг Ёханэс Краўзэ знайшоў першыя адназначныя сведчаньні канібалізму сярод неандэртальцаў, выявіўшы цэлую гару костак старажытных людзей са слядамі «кулінарнае апрацоўкі» ў адной з пячораў на поўначы Іспаніі.

З іншага боку, разлікі біёлагаў паказваюць, што канібалізм нявыгадны з энергетычнага пункту гледжання: тушы мамантаў і проста буйных жывёлаў утрымліваюць у сабе значна больш калорый, чым целы людзей.

Цела аднаго чалавека, як паказваюць разлікі брытанскіх даследчыкаў, утрымлівае ў сабе каля 125 мегакалорый, чаго хопіць для таго, каб забяспечваць энергіяй яшчэ 50 людзей на працягу сутак. Такім чынам у першы дзень пасля наступлення «харчовага крызісу» знікне 1/50 чалавецтва, на другі дзень — 1/50 ад тых, хто выжыў, і гэтак далей.

Калі людзі так і не змогуць знайсці іншыя крыніцы ежы, то праз 1149 дзён на Зямлі застанецца толькі адзін чалавек, які з'еў за дзень да гэтага апошняга супляменніка. 

Як адзначаюць Холі Грэм з Універсітэта Лестэра і яе калегі-даследчыкі, падобная катастрофа прыкметна запаволіцца, калі частка канібалаў будзе паводзіць сябе «несумленна» і пачне аб'ядноўвацца ў групоўкі, якія будуць адлоўліваць іншых людзей і павялічваць свае запасы мяса. У такім выпадку «эра канібалаў» працягнецца некалькі дзесяцігоддзяў, калі не стагоддзяў.

Галоўнай пагрозай для іх выжывання ў такім выпадку будзе не памяншэнне запасаў ежы, а «каровіна шаленства» і іншыя хваробы, звязаныя з канібалізмам.

Як адзначае РІА «Навука», факультэт фізікі і астраноміі Універсітэта Лестэра (Вялікабрытанія) штогод публікуе навуковы часопіс Physics Special Topics, аўтарамі і рэдактарамі якога становяцца чацверакурснікі факультэта. Усе артыкулы, што накіроўваюцца ў часопіс, праходзяць абавязковае рэцэнзаванне, а ўдзел у яго падрыхтоўцы ацэньваецца выкладчыкамі і неабходны для атрымання дыплома.

Каментары12

 
Націсканне кнопкі «Дадаць каментар» азначае згоду з рэкамендацыямі па абмеркаванні.

Цяпер чытаюць

Паліцыя Дубая: 20-гадовая мадэль з Украіны ўпала з вышыні на будоўлі17

Паліцыя Дубая: 20-гадовая мадэль з Украіны ўпала з вышыні на будоўлі

Усе навіны →
Усе навіны

Невядомыя апаганілі статую Уэйна Грэцкі ў Эдмантане3

Трамп скасоўвае прававы статус 530 тысяч кубінцаў, гаіцянаў, нікарагуанцаў і венесуэльцаў2

Дзе ляжыць выкуплены Статут ВКЛ? Павел Мацукевіч — пра тое, што беларусы мусяць сабе вярнуць6

Пагражаюць за Дзень Волі? Вось што трэба рабіць45

Трамп заявіў пра стварэнне амерыканскага знішчальніка новага пакалення8

Стаў вядомы жорсткі прысуд, вынесены жыхару Гомеля за «здраду дзяржаве»1

Кетоны: што за рэчывы, якія спыняюць старэнне мозгу і дапамагаюць схуднець?1

Трамп расказаў пра перамовы па «падзеле тэрыторый» Украіны24

Памёр знакаміты кадэбіст-перабежчык Алег Гардзіеўскі10

больш чытаных навін
больш лайканых навін

Паліцыя Дубая: 20-гадовая мадэль з Украіны ўпала з вышыні на будоўлі17

Паліцыя Дубая: 20-гадовая мадэль з Украіны ўпала з вышыні на будоўлі

Галоўнае
Усе навіны →

Заўвага:

 

 

 

 

Закрыць Паведаміць