У Мінску з’явілася новае FM-радыё з эфірнымі ўстаўкамі на беларускай мове
У Мінску на частаце 87,5 FM пачала трансляцыю новая радыястанцыя «Рэлакс».
Паводле задумы, у эфіры будуць лёгкія спакойныя песні, а таксама кароткія ўстаўкі на беларускай мове: цытаты вялікіх людзей (Маргарэт Тэтчар, Генры Форд і іншыя), урыўкі з твораў беларускай і сусветнай літаратуры, матывуючыя гісторыі і прагноз надвор’я.
У аснове эфіру будуць музычныя творы ў стылі зборнікаў Romantic Collection. Гэта будзе як і сучасная лаўнж-музыка, так і класічныя кампазіцыі Фрэнка Сінатры, Элвіса Прэслі, Элы Фіцжэральд і іншых.
У каментары для «Нашай Нівы» галоўны рэдактар і генеральны прадзюсар радыё «Рэлакс» Аляксандр Ажынскі адзначыў, што беларуская мова абраная нездарма.
«Па-першае, у Мінску невялікая колькасць папулярных радыёстанцый па-беларуску. Па-другое, мы займаемся бізнэсам. Беларуская мова падкрэслівае нашу ўнікальнасць, з ёй мы гучым ярчэй. Ну і руская мова, пры ўсёй павазе, не такая лёгкая і мілагучная, як беларуская. Менавіта лёгкасць і мілагучнасць з’яўляюцца асноўнымі слупамі нашага радыё», — адзначыў спадар Ажынскі.
Новая радыёстанцыя належыць ТАА «Вашае тэлебачанне», якое таксама кантралюе радыё «Юмор FМ». На ім таксама эфірныя ўстаўкі пераважна беларускамоўныя.
Цяпер чытаюць
Расіяне сапраўды сталі часцей купляць нерухомасць у Беларусі? Вось што расказваюць рыэлтары5
Расіяне сапраўды сталі часцей купляць нерухомасць у Беларусі? Вось што расказваюць рыэлтары
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары