Навукоўцы высветлілі, што спевы дапамагаюць жанчынам пераадолець пасляродавую дэпрэсію. Даследаванне апублікаванае ў часопісе British Journal of Psychiatry, перадае Бі-Бі-Сі.
«Постнатальная (пасляродавая) дэпрэсія знясільвае маці і сям'ю. Але нашы даследаванні паказваюць, што некаторым жанчынам нешта настолькі даступнае, як спевы з дзіцём, могуць дапамагчы паскорыць аднаўленне падчас аднаго з самых уразлівых перыядаў жыцця», — кажа доктар Розі Перкінс з Лонданскага цэнтра павышэння кваліфікацыі.
Акрамя таго, даследаванне паказала, што яшчэ хутчэй аднавіцца дапамогуць спевы ў кампаніі.
Даследчыкі прааналізавалі жыццё 134 жанчын на працягу першых 40 тыдняў іх мацярынства. Іх размеркавалі па групах: адных адправілі ў гурток спеваў, іншых — у творчую майстэрню, трэцім прызначылі курс аднаўлення. Высветлілася, што некаторым жанчынам спевы дапамагаюць пераадолець дэпрэсію.
Аднак у даследаванні не гаворыцца, з чым гэта звязана.
Раней іншыя групы навукоўцаў прыходзілі да высновы, што харавыя спевы — выдатны спосаб барацьбы з дэпрэсіўнымі сімптомамі сярод пажылых людзей, якія пакутуюць ад адзіноты.
Магчыма, гэта звязана з тым, што такое баўленне вольнага часу патрабуе інтэнсіўнай камунікацыі з людзьмі, што само па сабе вельмі карысна для чалавека.
Цяпер чытаюць
Ён адкрыта называў расійскіх вайскоўцаў акупантамі, а расійскую ўладу — фашысцкай. За краты кінулі супрацоўніка МТБанка5
Каментары