Ракета Ілана Маска сёння адправіць ў бок Марса яго аўтамабіль
Амерыканскі заснавальнік SpaceX і Tesla Ілан Маск у аўторак паспрабуе запусціць у космас звышцяжкую ракету-носьбіт Falcon Heavy з касмічнага цэнтра Кэнэдзі.
Грузапад'ёмнасць Falcon Heavy удвая перавышае тыя ж паказчыкі любой іншай ракеты.
Карыснага грузу на ёй не будзе, замест гэтага Ілан Маск вырашыў адправіць у космас свой стары спартыўны аўтамабіль Tesla вішнёвага колеру.
Аўтамабіль будзе запушчаны на эліптычную арбіту, якая прасціраецца ад Сонца да Марса. Аўдыясістэма аўтамабіля, як паведамляецца, будзе бесперапынна прайграваць хіт Дэвіда Боўі Space Oddity.
«Аўтамабіль аддаліцца ад Зямлі прыкладна на 400 мільёнаў кіламетраў і будзе ляцець з хуткасцю 11 кіламетраў за секунду», — сказаў Маск рэпарцёрам на брыфінгу ў панядзелак. «Паводле нашых ацэнак, ён будзе знаходзіцца на гэтай арбіце некалькі сотняў мільёнаў гадоў, можа быць, нават больш за мільярд гадоў», — дадаў Маск.
Аўтамабіль абсталяваны трыма камерамі назірання, здымкі якіх, як спадзяецца Ілан Маск, будуць «эпічнымі».
Анлайн-трансляцыю можна ўбачыць сёння ў 21.30 па Мінску на YouTube.
-
Расійская агентура выкарыстала нейрасетку Claude для крадзяжу і для ўплыву на выбары
-
Навукоўцы знайшлі шэсць загадкавых структур глыбока ў нетрах Зямлі
-
«Час, які патрабуе надзвычайнай асцярожнасці». Польскі вундэркінд, які стаў галоўным навукоўцам OpenAI, патлумачыў, чаму менавіта зараз ШІ можа вырвацца з-пад кантролю
Хто з палітвязняў выйшаў на свабоду 16 верасня ПОЎНЫ СПІС23
Каментары