Лябедзька атрымаў за «непадпарадкаванне міліцыі» ў Жабінцы штраф і суткі, якія ўжо адседзеў
Рашэннем суда Жабінкаўскага раёна старшыня Аб'яднанай грамадзянскай партыі (АГП) Анатоль Лябедзька за «непадпарадкаванне супрацоўніку ДАІ» атрымаў штраф 50 базавых велічынь (1 225 рублёў) і трое сутак арышту. Пра гэта Лябедзька паведаміў на сваёй старонцы ў фэйсбуку.
Лябедзька быў затрыманы 9 лютага, пасля пікету кандыдатаў у дэпутаты ў Брэсце.
Пасля мерапрыемства машыну з Анатолем Лябедзькам і Аляксандрам Дабравольскім «без выразнага тлумачэння прычын» спынілі на трасе Брэст — Мінск у Жабінкаўскім раёне. Лябедзька даставілі ў Жабінкаўскі РАУС, дзе склалі пратакол аб непадпарадкаванні супрацоўніку міліцыі і аб'явілі аб затрыманні. Пасля яго перавезлі ў РАУС Кобрын
Першае пасяджэнне суда адбылося 12 лютага, тады пасяджэнне суда было перанесена на 23 лютага, а Лябедзька адпушчаны. Лічыцца, што трое сутак ён адбыў цалкам.
Сілавікі сцвярджаюць, што затрымалі двух мужчын за галасаванне на выбарах у КР. Але ці можна гэтаму верыць?15
Каментары