Па новаму сацыяльнаму стандарту за адным лекарам-тэрапеўтам у паліклініцы будзе замацавана не 1700 пацыентаў, а да 1500. Пра гэта Tut.by распавёў журналістам міністр аховы здароўя Валер Малашка.
Міністр аховы здароўя Валер Малашка. Фота: Вольга Шукайла, Tut.by.
— Мы чуем крытыку, і лекара ў дадзенай сітуацыі крыху разгружаем, — адзначыў міністр. — Замест 1700 пацыентаў на аднаго доктара па новаму сацыяльнаму стандарту будзе да 1500.
Валер Малашка звярнуў увагу на рэформы, якія чакаюць першаснае звяно аховы здароўя. У прыватнасці, гэта пераход на сістэму работы лекараў агульнай практыкі. Плануецца, што поўны пераход на гэтую сістэму адбудзецца ў Беларусі да 2020 года. Лекары агульнай практыкі будуць таксама кансультаваць як лоры, неўролагі і афтальмолагі. Мяркуецца, што разам будзе працаваць каманда медыкаў: лекар агульнай практыкі, памочнік лекара, медсястра.
Па словах міністра, лекары агульнай практыкі будуць валодаць большымі кампетэнцыямі, чым тэрапеўты.
«Пра які саюз можна гаварыць?» Лукашэнка ў Астане раскрытыкаваў Расію за навязванне утыльзбораў15
Каментары