25 красавіка на пасяджэнні грамадскіх актывістаў быў створаны камітэт па вызваленні палітвязняў, паведаміла ў сваім фэйсбуку яго каардынатар Марына Адамовіч. На першым пасяджэнні ўдзельнікі камітэта абмяркоўвалі, як дапамагчы асуджанаму на тры гады за супраціў міліцыянтам у цывільным Святаславу Барановічу.
Сябры камітэта заклікаюць прызнаць Барановіча палітвязнем.
«Мы расцэньваем пераслед Святаслава Барановіча, як і зняволенне Змітра Паліенкі, і нядаўняе затрыманне незалежнага журналіста Змітра Галко, таксама абвінавачаных у нападзе на супрацоўнікаў міліцыі, як адназначны пасыл улады грамадзянскай супольнасці, скіраваны на запалохванне грамадства, падаўленне яго волі да супраціву гвалтоўным дзеянням і перадухіленне мірных пратэстных акцый. Камітэт па вызваленні палітвязняў адназначна і аднагалосна вызнае Святаслава Барановіча палітвязнем і заклікае беларускую і міжнародную грамадскасць да салідарнасці з ім», — гаворыцца ў заяве.
Дарэчы 4 мая ў Мінскіі гарадскім судзе будзе разглядацца апеляцыйная скарга на прысуд Святаславу. Пачатак а 10-й.
Цяпер чытаюць
Што азначае расследаванне Міжнароднага крымінальнага суда для Лукашэнкі і беларусаў? Тлумачыць Кацярына Дзяйкала13
Каментары