Рассельгаснагляд уводзіць часовыя абмежаванні на пастаўку некаторых відаў малака і малочнай прадукцыі з Беларусі з 6 чэрвеня, паведаміла РБК афіцыйны прадстаўнік ведамства Юлія Мелана.
Паводле яе слоў, рашэнне прынята з-за таго, што з Беларусі нібыта працягвае паступаць «небяспечная малочная прадукцыя». Больш за ўсё парушэнняў расійскія ўлады выявілі ў малацэ і вяршках пастэрызаваных і стэрылізаваных налівам, малацэ і вяршках сухіх, канцэнтраваных, кансерваваных і згушчаных, сыроватках, канцэнтраце бялку.
Як удакладніла Мелана, абмежаванні ўводзяцца на ўвоз усёй пералічанай прадукцыі, якая паступае як на перапрацоўку, так і ў спажывецкай тары, аб'ёмам звыш 2,5 літра.
Расія ўжо збіралася ў пачатку 2018 года абмежаваць увоз асобных відаў малочнай прадукцыі з Беларусі. Спачатку адпаведныя меры ўлады планавалі ўвесці з 26 лютага, але пазней гэты тэрмін пераносіўся. 4 сакавіка ў Рассельгаснаглядзе заявілі, што абмежаванні ўводзіцца не будуць.
Цяпер чытаюць
Памятаеце Таццяну Зарэцкую, якая са скандалам звальнялася з Кабінета Ціханоўскай? У Эстоніі яе падазраюць у махлярстве41
Каментары