Суд Ленінскага раёна Магілёва прысудзіў былога начальніка аддзела архітэктуры і будаўніцтва Магілёўскага райвыканкама да 3 гадоў з адтэрміноўкай, піша БелТА.
Працуючы на пасадзе начальніка аддзела архітэктуры і будаўніцтва Магілёўскага раённага выканаўчага камітэта, мужчына ўступіў у злачынную змову са сваім знаёмым. Такім чынам ён меў намер незаконна завалодаць грашыма грамадзян пры продажы зямельнага ўчастка. Знаёмы набываў ўчасткі нібыта для вядзення асабістай падсобнай гаспадаркі, а для надання ім больш высокага кошту перад продажам з дапамогай сябра-начальніка незаконна змяняў іх мэтавае прызначэнне: «для будаўніцтва і абслугоўвання аднакватэрнага жылога дома».
Экс-начальнік аддзела прызнаны вінаватым у перавышэнні службовых паўнамоцтваў і махлярстве ў буйным памеры. Яго знаёмы — у дапамозе пры здзяйсненні гэтых злачынстваў. Абвінавачаных прысудзілі да трох гадоў пазбаўлення волі. Выкананне асноўнага пакарання адтэрмінавалі на два гады. Акрамя таго, фігурантам прызначаны штраф у памеры 800 базавых.
Яны пазбаўленыя права займаць пэўныя пасады на тэрмін чатыры гады. Прысуд не ўступіў у законную сілу і можа быць абскарджаны і апратэставаны ва ўстаноўленым парадку.
Цяпер чытаюць
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў11
Сталі вядомыя жахлівыя абставіны смерці былога вучонага сакратара Інстытута гісторыі. Яму было 45 гадоў
Яе не хацелі браць у музычную школу, а ў 14 яна сыграла ў Карнегі-холе ў Нью-Ёрку. Беларуская скрыпачка — пра жыццё ў Лондоне, заробкі і чым скрыпка Страдывары за 14 мільёнаў еўра адрозніваецца ад звычайнай1313
Каментары