Свет4848

ЗША пагражае Расіі новымі санкцыямі: аж да поўнай забароны экспарту і імпарту і палётаў «Аэрафлота»

Дзярждэпартамэнт ЗША абвясціў аб увядзенні новых санкцый супраць Расіі. Падставай для іх стала атака з выкарыстаннем хімічнай зброі на тэрыторыі краіны НАТА — атручванне экс-палкоўніка ГРУ Сяргея Скрыпаля і яго дачкі Юліі ў брытанскім Солсберы нервова-паралітычным рэчывам «Навічок».

У ЗША перакананыя, што за атакай стаяла Масква і, такім чынам, Расея парушыла амерыканскі Закон аб кантролі над хімічнай і біялагічнай зброяй і забароне яго ваеннага прымянення ад 1991 года. Гэты ж закон прымяняўся ў дачыненні да Сірыі і КНДР.

Парушэнне Закона аб хімзброі прадугледжвае ўвядзенне двух раўндаў санкцый. Першы ўступіць у сілу ўжо 22 жніўня. Другі ўводзіцца ў выпадку, калі краіна-парушальніца не выканала патрабаванняў закона на працягу трох месяцаў.

Дадатковы пакет санкцыяў падпісвае прэзідэнт ЗША пасля кансультацыі з Кангрэсам.

У Расіі новыя санкцыі назвалі «драконаўскімі», піша агенцтва ТАСС, а курс расейскага рубля рэзка ўпаў.

Першы раўнд санкцый адносна мяккі

Пад першыя абмежаванні падпадае экспарт у РФ ўсіх «адчувальных» тавараў і тэхналогій, звязаных са сферай нацыянальнай бяспекі ЗША.

Вашынгтон мае намер зрабіць шэраг выключэнняў з рэжыму новых санкцый: яны не закрануць космас, пасажырскія авіяперавозкі, а таксама праграмы «дапамогі Расеі і расейскаму народу».

Санкцыі абавязваюць Расею:

• Не ўжываць хімічную або біялагічную зброю (у тым ліку супраць сваіх грамадзянаў).

• Падаць «пераканаўчыя запэўніванні ў тым, што яна больш не будзе парушаць» палажэнні міжнароднага права.

• Дапусціць «правядзенне інспекцый на месцах ААН і міжнароднымі незалежнымі назіральнікамі з тым, каб гарантаваць, што ўрад не прымяняе хімічную зброю».

Другі раўнд — вельмі жорсткі

Другая частка санкцый прадугледжвае:

1) Паніжэнне ўзроўню двухбаковых дыпламатычных адносін або нават іх поўнае прыпыненне.

2) Фактычна, поўная забарона любога экспарту ў Расею амерыканскіх тавараў, за выключэннем прадуктаў харчавання.

3) Забарона імпарту Злучанымі Штатамі расійскіх тавараў, уключаючы нафту і нафтапрадукты.

4) Пазбаўленне права на пасадку ў ЗША самалётаў любой авіякампаніі, якая кантралюецца ўрадам Расеі (у першую чаргу гэта абмежаванне можа закрануць «Аэрафлот»).

5) Блакаванне Вашынгтонам крэдытаў Маскве па лініі міжнародных фінансавых арганізацый.

6) Забарону на выдачу Расіі крэдытаў амерыканскіх банкаў.

Па законе прэзідэнт ЗША павінен ўвесці як мінімум тры з шасці мер. У Дзярждэпе разлічваюць, што да другога пакета санкцый не дойдзе, «але гэта пытанне хутчэй да Расеі, а не да нас».

Каментары48

 
Націсканне кнопкі «Дадаць каментар» азначае згоду з рэкамендацыямі па абмеркаванні.

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Усе навіны →
Усе навіны

«Змагла развітацца па-людску». У Польшчы ў беларускі памёр муж — яна расказала, як даставіла прах на радзіму і арганізавала пахаванне

Банкаўскія інсайдары лічаць новыя санкцыі супраць чатырох беларускіх банкаў малазначнымі. І вось чаму11

Францыя вырашыла прызнаць Палесцінскую дзяржаву. Ізраіль заявіў, што гэта «ўзнагарода за тэрарызм»15

Каранавірус паскорыў старэнне мозгу нават у тых, хто не хварэў4

Мінскае «Дынама» без шанцаў прайграла албанскай «Эгнаціі»2

Тавары з «Пагоняй» прадавалі, нягледзячы на забароны11

Стала вядома, як рагачоўскі завод працуе на расійскую вайсковую прамысловасць5

Ва ўсім свеце перастаў працаваць Starlink

Гродзенскі «Нёман» перавярнуў гульню з «Кошыцамі», прайграючы 0:21

больш чытаных навін
больш лайканых навін

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню16

«Я хачу справядлівасці — і для жанчын, і для сябе». Шчырая гутарка з Андрэем Стрыжаком пра скандал з дыкпікамі, залежнасці і будучыню

Галоўнае
Усе навіны →

Заўвага:

 

 

 

 

Закрыць Паведаміць