Трэці мінскі A-Fest сабраў больш за сто тысяч чалавек ФОТЫ
У суботу 11 жніўня ў Лошыцкім парку ў трэці раз прайшоў A-Fest — фінальны бясплатны летні опэн-эйр, дзе пад еўрапейскія мелодыі адпачываў увесь Мінск.
Больш за сотню тысяч наведвальнікаў, Сафі Эліс-Бэкстар у хэдлайнерах, стрыт-фудкорт і адкрытая піўная кухня A-Kitchen. Грандыёзнае свята стала падарункам мінчанам ад брэнда «Аліварыя» ў гонар надыходзячага дня нараджэння заснавальніка піваварнай кампаніі і былога мэра сталіцы Караля Яна Чапскага.
Еўрапейскімі хэдлайнерамі A-Fest сёлета сталі ўдзельнік французскага хаус-поп дуэта Ян Дэсталь, які запаліў шматтысячны натоўп мінчукоў сваім хітом «Lady (Hear Me Tonight)», і спявачка з Вялікабрытаніі Сафі Эліс-Бэкстар. На A-Fest галоўны хіт Сафі «Heartbreak (Make Me a Dancer)» мінчане спявалі шматтысячным хорам.
Першыя госці ў Лошыцкім парку з'явіліся з самай раніцы, калі і стартавала праграма еўрапейскага фестывалю. На галоўную сцэну адзін за адным выходзілі беларускія музыкі Tanin Jazz, Bez Not, Mustelide,: B: N і Akute. А да 18.30, калі з'явіўся беларускі хэдлайнер фестывалю — гурт «Без Білета» — уся тэрыторыя перад сцэнай была ўжо запоўненая.
«Гэтым летам мы пастараліся зрабіць A-Fest яшчэ больш грандыёзным, смачным і з музычнага боку, і пры гэтым парадаваць гасцей не толькі колькасцю забаў, але і іх якасцю, — каментуе Тарас Мацыпура, намеснік генеральнага дырэктара па маркетынгу піваварнай кампаніі «Аліварыя» і арганізатар A-Fest. — Вялікая дзіцячая зона, удасканаленая навігацыя, лайн-ап, фудкорт з вулічнай ежай і 30 забаўляльных зон беларусы сапраўды ацанілі. Мы засталіся вельмі задаволеныя і заматываваныя, каб A-Fest стаў традыцыйным святам еўрапейскага ўзроўню для Мінска».
Цягам дня A-Fest наведалі тысячы мінчан, якія прыходзілі парамі, кампаніямі сяброў і цэлымі сем'ямі. Сёлета на фестывалі ўпершыню з'явілася дзіцячая зона. Тут маленькія беларусы праводзілі час на гульнявой паляне, будавалі завод з канструктара і расфарбоўвалі пано вышынёй з чалавека.
Па ўсёй тэрыторыі Лошыцкага парку праходзіў квэст з 30 забаў. Госці A-Fest удзельнічалі ў «скачках», правяралі свае веды беларускай мовы, гулялі ў футбол, спаборнічалі ў «Крыжыкі-нулікі», дзе замест звыклых X і 0 былі «Аліварыя Дзясятка» і «Залатое». Пасля актыўных этапаў квэста госці расслабляліся за гульнёй у «Мазгабойню», даміно, косці і іншыя інтэлектуальныя забавы.
Галоўным пунктам прыцягнення для ўсіх аматараў вулічнай ежы стала A-Kitchen — першая адкрытая піўная кухня ў краіне. Тут пад кіраўніцтвам кіраўніка Гільдыі шэф-кухараў Беларусі Аляксандра Чыкілеўскага і галоўнага фудхантара краіны Koko.by разгарнуліся сапраўдныя кулінарныя баталіі. Госці фестывалю на хуткасць гатавалі шаўрму, елі хот-догі і з заплюшчанымі вачамі тэставалі стрыт-фуд. Хітом вечара сталі бургеры з катлетай з бычыных яек. Падсілкавацца традыцыйнымі нагетсамі, піцай, начасам, сырнымі палачкамі і іншым стрыт-фудам разам з півам «Аліварыя» госці маглі за праглядам выступу артыстаў проста на фудкорце. Трансляцыю з галоўнай сцэны паказвалі на экране вышынёй амаль у два паверхі панэльнага дома.
Сёлета на A-Fest госці ўпершыню маглі замовіць ежу і піва «Аліварыя» з фудкорта наўпрост на свой пікнік на дыванку перад галоўнай сцэнай. Афіцыянты дастаўлялі яе на працягу 10 хвілін.
Па колькасці наведвальнікаў, выпітага піва і фота ў інстаграме фестываль у Лошыцкім парку паўтарыў уласны рэкорд мінулага года і замацаваў за сабой званне галоўнага бясплатнага сталічнага фэсту, дзе на прыродзе мог адпачыць увесь Мінск.
Цяпер чытаюць
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі36
Апакаліпсіс заўтра. Статкевіч напісаў першы артыкул — з папярэджаннем пра небяспеку з боку Расіі
У якой разведкі была найлепшая інфармацыя з Беларусі ў лютым 2022 і хто паведаміў Буданаву, што асноўны ўдар расіян будзе на Гастомель. З’явілася вялікая публікацыя2020
Каментары