Суд Вілейскага раёна вынес рашэнне па ДТЗ, у выніку якога загінула 3-гадовае дзіця жанчыны-кіроўцы, піша tut.by. Яна страціла пільнасць падчас кіравання, аўтамабіль занесла, ён з'ехаў у кювет і ўрэзаўся ў дрэва.
Раней паведамлялася, што 3 чэрвеня 36-гадовая мінчанка, кіруючы Ford Fiesta, ехала па трасе Ушачы - Вілейка. На 111-м кіламетры дарогі яна адцягнулася на падлучэнне зараднай прылады мабільнага тэлефона ў гняздо прыпальвальніка і з'ехала ў правы па ходу руху кювет, дзе машына ўрэзалася ў дрэва. У аўтамабілі знаходзіліся двое сыноў жанчыны. У выніку ДТЗ 3-гадовы хлопчык загінуў, 10-гадовае дзіця атрымала траўмы рознай ступені цяжкасці.
Суд адбыўся 31 жніўня. У судзе ўдакладнілі, што дзіця перавозілі на пярэднім пасажырскім сядзенні без выкарыстання дзіцячага крэсла.
Суд прызнаў жанчыну вінаватай у парушэнні ПДР, што пацягнула па неасцярожнасці смерць чалавека і прычыненне цяжкага цялеснага пашкоджання. Жанчыне прызначана пакаранне ў выглядзе пазбаўлення волі на тэрмін 3 гады з адтэрміноўкай.
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску
Каментары