Грамадзянка Літвы захапілася зборам грыбоў і выпадкова трапіла ў Беларусь, паведамілі БелТА ў Дзяржпамежкамітэце.
5 верасня смаргонскія памежнікі атрымалі інфармацыю ад літоўскіх калегаў пра выяўленне дарожкі слядоў на лініі мяжы ў напрамку беларускай тэрыторыі. Трывожная група затрымала грамадзянку Літвы за 2 км ад дзяржаўнай мяжы ў Ашмянскім раёне.
Падчас разбору жыхарка памежнай вёскі Негібай патлумачыла, што пайшла ў лес за грыбамі, заблукала і апынулася ў Беларусі.
Грыбніцы вынеслі папярэджанне і перадалі літоўскаму боку.
Каментары