«Самы сціплы чэмпіён свету» зайшоў у госці да выпадковага знаёмага з мячэці. Яны паглядзелі BBC, паелі рысу і пагулялі ў ФІФА
У суботу Н'Гало Кантэ, які ў складзе зборнай Францыі выйграў чэмпіянат свету, дапамог «Чэлсі» разабрацца з «Кардыфам» 4: 1 і планаваў правесці рэшту ўік-энду ў Парыжы. Але планы раптоўна змяніліся. Футбаліст спазніўся на цягнік і адправіўся ў найбліжэйшую мячэць, каб не прапусціць малітву — Кантэ мусульманін.
У мячэці яго пазнаў заўзятар. Яны разгаварыліся, і хлопец запрасіў футбаліста да сябе дадому на вячэру. Кантэ лёгка пагадзіўся.
Разам з трыма новымі знаёмымі ён пагуляў у FIFA, паеў рысу з кары ды абмеркаваў за праглядам флагманскую праграму BBC Match of the Day (хайлайты і аналіз усіх дзённых матчаў англійскай прэм'ер-лігі). Цудоўны вечар зафіксавала гэтая ўтульная фатаграфія:
Адзін з удзельнікаў раптоўнай сустрэчы, заўзятар «Ліверпуля» @ jahrul999, быў у захапленні
«Пераможца Кубка свету, гулец года і двухразовы чэмпіён АПЛ спантанна далучыўся да нас, каб паглядзець MOTD пасля наведвання мясцовай мячэці. Сапраўднае ўражанне сціпласці. Вось гэта чалавек».
Кантэ наогул нетыповы футбольны герой. Паводле адукацыі ён бухгалтар.
Вось яго аповед іспанскай газеце As: «Калі я гуляў у другой камандзе «Булонь» — у шостым, а затым у пятым дывізіёне Францыі — я не быў упэўнены, што футбол стане маёй прафесіяй. У мяне не было прафесійнага кантракту, таму я працягваў вучыцца. У 18 гадоў атрымаў дыплом бакалаўра, а потым яшчэ два гады вывучаў бухгалтарскую справу. І спыніў навучанне толькі пасля таго, як трапіў у першую каманду і падпісаў сапраўдны кантракт. І хоць цяпер я і займаюся выключна футболам, навыкаў бухгалтара не згубіў».
Зарабляючы больш за 100 тысяч фунтаў у тыдзень, Кантэ ездзіць на Mini Cooper S (кошт - каля 20-30 тысяч фунтаў), які атрымаў у падарунак ад невядомага заўзятара. «Вельмі зручная машынка, я да яе ўжо прызвычаіўся», — тлумачыць француз.
А памятаеце, як ён саромеўся фатаграфавацца з Кубкам свету пасля перамогі над Харватыяй? «Кантэ у нас дзіка сарамлівы, таму не мог сказаць «Дайце кубак мне, — успамінаў Аліўе Жыру. — З-за гэтага Нгало прыйшлося пачакаць і прапусціць іншых. Але ў рэшце рэшт хтосьці (Стывен Нзанзі) узяў кубак і ўручыў яму».
Цяпер чытаюць
«Чаму мы павінны неяк ушчэмліваць сябе?». Дырэктарка РТБД патлумачыла, чаму паставіла спектакль паводле Пушкіна ў адным з апошніх тэатраў краіны, які працаваў па-беларуску5959
Каментары