«Samy ścipły čempijon śvietu» zajšoŭ u hości da vypadkovaha znajomaha ź miačeci. Jany pahladzieli BBC, pajeli rysu i pahulali ŭ FIFA
U subotu N'Hało Kante, jaki ŭ składzie zbornaj Francyi vyjhraŭ čempijanat śvietu, dapamoh «Čełsi» razabracca z «Kardyfam» 4: 1 i płanavaŭ pravieści reštu ŭik-endu ŭ Paryžy. Ale płany raptoŭna źmianilisia. Futbalist spaźniŭsia na ciahnik i adpraviŭsia ŭ najbližejšuju miačeć, kab nie prapuścić malitvu — Kante musulmanin.
U miačeci jaho paznaŭ zaŭziatar. Jany razhavarylisia, i chłopiec zaprasiŭ futbalista da siabie dadomu na viačeru. Kante lohka pahadziŭsia.
Razam z tryma novymi znajomymi jon pahulaŭ u FIFA, pajeŭ rysu z kary dy abmierkavaŭ za prahladam fłahmanskuju prahramu BBC Match of the Day (chajłajty i analiz usich dzionnych matčaŭ anhlijskaj premjer-lihi). Cudoŭny viečar zafiksavała hetaja ŭtulnaja fatahrafija:
Adzin z udzielnikaŭ raptoŭnaj sustrečy, zaŭziatar «Livierpula» @ jahrul999, byŭ u zachapleńni
«Pieramožca Kubka śvietu, hulec hoda i dvuchrazovy čempijon APŁ spantanna dałučyŭsia da nas, kab pahladzieć MOTD paśla naviedvańnia miascovaj miačeci. Sapraŭdnaje ŭražańnie ścipłaści. Voś heta čałaviek».
Kante naohuł nietypovy futbolny hieroj. Pavodle adukacyi jon buchhałtar.
Voś jaho apovied ispanskaj haziecie As: «Kali ja hulaŭ u druhoj kamandzie «Bułoń» — u šostym, a zatym u piatym dyvizijonie Francyi — ja nie byŭ upeŭnieny, što futboł stanie majoj prafiesijaj. U mianie nie było prafiesijnaha kantraktu, tamu ja praciahvaŭ vučycca. U 18 hadoŭ atrymaŭ dypłom bakałaŭra, a potym jašče dva hady vyvučaŭ buchhałtarskuju spravu. I spyniŭ navučańnie tolki paśla taho, jak trapiŭ u pieršuju kamandu i padpisaŭ sapraŭdny kantrakt. I choć ciapier ja i zajmajusia vyklučna futbołam, navykaŭ buchhałtara nie zhubiŭ».
Zarablajučy bolš za 100 tysiač funtaŭ u tydzień, Kante jeździć na Mini Cooper S (košt - kala 20-30 tysiač funtaŭ), jaki atrymaŭ u padarunak ad nieviadomaha zaŭziatara. «Vielmi zručnaja mašynka, ja da jaje ŭžo pryzvyčaiŭsia», — tłumačyć francuz.
A pamiatajecie, jak jon saromieŭsia fatahrafavacca z Kubkam śvietu paśla pieramohi nad Charvatyjaj? «Kante u nas dzika saramlivy, tamu nie moh skazać «Dajcie kubak mnie, — uspaminaŭ Aliŭje Žyru. — Z-za hetaha Nhało pryjšłosia pačakać i prapuścić inšych. Ale ŭ rešcie rešt chtości (Styvien Nzanzi) uziaŭ kubak i ŭručyŭ jamu».
Ciapier čytajuć
Syn Siarhieja Bulby źbiraje hrošy ŭ Polščy, prydumaŭšy sabie bijahrafiju vieterana i palityčnaha ŭciekača38
Kamientary