6 жанчын у Гомелі сталі ахвярамі гвалтаўніка пад спайсамі. Мужчына надоўга апынуўся за кратамі — яму далі 10 гадоў, паведамляе sb.by.
Першае злачынства здарылася ў студзені. Недалёка ад прыпынку па вуліцы Фестывальнай накінуўся на 45-гадовую жанчыну, якая вярталася вечарам ад сяброўкі.
9 сакавіка ў пад'ездзе хлопец паспрабаваў згвалціць 36-гадовую жанчыну. Атрымаўшы адпор, ён вырашыў адабраць сумачку, але і гэтага ён не зрабіў. Прыйшлося бегчы з пустымі рукамі.
20 сакавіка мужчына згвалціў 25-гадовую дзяўчыну, якая ўначы вярталася дадому. Яшчэ праз некалькі дзён ён чакаў сваю ахвяру каля гаражоў, жанчына ў той дзень вярталася з працы.
У красавіку яшчэ адна гамяльчанка, якая вярталася позна з працы, прыцягнула ўвагу гвалтаўніка. А праз месяц ахвярай гвалтаўніка стала 67-гадовая пенсіянерка.
Ні адна з жанчын не бачыла злачынцу ў твар: ён нападаў са спіны. Ва ўсіх выпадках аналізы ДНК на вопратцы ахвяр супадалі.
Дапамагчы раскрыць злачынства дапамог выпадак: улетку патрульныя затрымалі мужчыну, даставілі ў пастарунак, знялі адбіткі пальцаў, узялі аналіз ДНК і адпусцілі дадому. Аказалася, што біялагічны ўзор супаў з геномам злачынцы.
Высветлілася, што 20-гадовы хлопец — аматар пакурыць спайсы. Пасля таго, як ён курыў, хлопец адпраўляўся на пошукі прыгод, а ўжо раніцай нічога не памятаў.
Суд вынес прысуд: гамяльчук правядзе за кратамі 10 гадоў.
Каментары