Прэзідэнт Літоўскай Рэспублікі Даля Грыбаўскайце ад свайго імя і ад імя літоўскага народа шчыра павіншавала прэзідэнта Анджэя Дуду і ўсіх жыхароў краіны са 100-гадовай гадавінай незалежнасці Польшчы, што адзначалася ўчора.
З нагоды гэтай падзеі Даля Грыбаўскайце перадала сваё віншаванне на польскай мове і пажадала ўсім цудоўнага свята. На плошчы Сімонаса Даўкантаса з нагоды юбілею былі ўзняты дзяржаўныя і гістарычныя сцягі Літвы і Польшчы, а на балконе Прэзідэнцкага палаца запалілі знак PL 100.
Паводле слоў прэзідэнта, Літву і Польшчу звязвае шматвекавая агульная гісторыя і барацьба за свабоду. «Нашы народы, якія былі вымушаныя весці складаную барацьбу за сваю свабоду і магчымасць развіцця незалежнай дзяржавы, сёння па-ранейшаму застаюцца саюзнікамі і партнёрамі. Літва і Польшча — блізкія суседзі, мы выдатна разумеем сучасныя выклікі і імкнемся да гарантавання бяспекі ў рэгіёне, умацавання і сцвярджэння незалежнасці і свабоды нашых краін», — гаворыцца ў віншаванні.
Цяпер чытаюць
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма16
Усе беларускія банкі пачнуць сачыць за месцазнаходжаннем кліентаў? Альфа-банк ужо папярэдзіў, адмовіцца немагчыма
Каля Сафіі ў Полацку паставілі помнік лётчыкам Нічыпарчыку і Куканенку. Але нават не самалёт той мадэлі, на якой яны загінулі, а аэраплан сталінскага часу2020
Каментары