Урад прагназуе, што сярэдні заробак бюджэтнікаў у наступным годзе будзе раўняцца 800 рублёў. Пра гэта паведаміў міністр фінансаў Беларусі Максім Ермаловіч, адказваючы на пытанні журналістаў у парламенце, піша Tut.by.
Па словах міністра, у бюджэце на наступны год прапісана, што сярэдні заробак бюджэтнікаў будзе роўны 80% ад сярэдняй зарплаты па краіне.
- Фонд заработнай платы сфарміраваны зыходзячы з таго, што ў нас сярэдняя заработная плата ў бюджэтнай сферы будзе на ўзроўні 80% ад сярэдняй зарплаты па эканоміцы, - распавёў Максім Ермаловіч.
Міністр удакладніў, што гаворка ідзе пра сярэдні заробак 1000 рублёў па краіне і 800 рублёў у сярэднім для бюджэтнікаў.
Што тычыцца прагнозу па сярэднегадавым курсе даляра, зыходзячы з якога падрыхтаваны бюджэт, то ён, па словах міністра, «прыкладна на ўзроўні бягучага курсу».
Цяпер чытаюць
Куды цяпер едуць вучыцца беларускія студэнты — топ краін і тэндэнцый9
Каментары