Затрыманых за акцыю каля помніка гарадавому аштрафавалі і адпусцілі
У нядзелю днём група маладых людзей на чале з анархістам Вячаславам Касінеравым усклала да скульптуры гарадавога, што насупраць будынка МУС, пахавальны вянок з надпісам «Імiджу МУС».
Потым да іх падышлі супрацоўнікі міліцыі і заявілі аб парушэнні закона. З-за гэтага маладых людзей затрымалі і даставілі ў Маскоўскае РУУС Мінска.
Калі суддзя зайшла, падсудныя сталі крычаць, каб ніхто не ўставаў. Спарыша вывелі з залы за непадпарадкаванне суду.
Вячаслаў Касінераў паведаміў, што пратаколу затрымання не бачыў і да суда не ведаў, па якім артыкуле яго абвінавачваюць. Актывіст выказаў жаданне азнаёміцца з матэрыяламі справы, таму суддзя абвясціла перапынак.
Пасля перапынку Касінераў сказаў, што не прызнае віну, а ў матэрыялах справы «напісана нейкая хлусня». Касінераў кажа, што не дакранаўся да статуі, якую лічыць «гістарычнай тупасцю», а проста паставіў пахавальны вянок. Менавіта праз гэта ён не лічыць сябе вінаватым. Суддзя зачытала матэрыялы справы.
Вячаслаў Касінераў не аспрэчвае, што менавіта ён ускладаў вянок, таму суддзя прапанавала не апытваць сведку, абвінавачаны пагадзіўся.
У выніку Касінерава і Спарыша аштрафавалі на 735 рублёў (30 базавых велічынь) кожнага.
Цяпер чытаюць
«Ёсць у Беларусі людзі, якім не падабаецца расійскі сцяг, савецкі сцяг». Расіяніну на BMW Х7 з нямецкімі нумарамі пашкодзілі аўто ў Мінску12
Каментары