Бярыце на ўзбраенне: найлепшыя касметычныя падарункі коштам да 10 рублёў
Новы год — гэта не толькі шыкоўны навагодні стол, карпаратывы, яркія елкі і падарункі. Гэта яшчэ і вялікі кошт за ўсе выдаткі!
Мы доўга думалі пра тое, якую падборку касметыкі зрабіць перад вялікімі святамі і вырашылі сабраць прыклады бюджэтных касметычных падарункаў (пераважна беларускіх) коштам да 10 рублёў. Спадзяемся, што ў гэтым топе вы зможаце знайсці якасныя падказкі для міні-прэзентаў.
Ачышчэнне — важны этап па доглядзе, і адзін з самых эфектыўных інструментаў тут — гэта ачышчальныя маскі. Маскі ад расійскага брэнда «Прапелер» каштуюць каля 2,5 рубля. Яны добра чысцяць поры за кошт гліны і саліцылавай кіслаты ў складзе, пры гэтым моцна не будуць сушыць скуру.
Добры міні-прэзент для падлеткаў і ўсіх людзей з камбінаванай і тлустай скурай.
Увільгатняльная маска для твару — адзін з самых карысных касметычных сродкаў для любой скуры, асабліва зімой. Яна будзе ратаваць ад лушчэнняў, сцягнутасці, а тлустую скуру — ад залішняй выпрацоўкі себума. Смела можам рэкамендаваць маску ад новага беларускага брэнда Masstige (яна вельмі падобная на Vichy, але ў разы танней) і маску з ківі ад Беліты.
У плане падарункаў радуе беларускі брэнд натуральнай касметыкі Liv Delano: упакоўкі крэмаў, масак, бальзамаў для рук і цела выкананыя ў вінтажным стылі, выглядаюць яны вельмі эфектна!
Калі вам патрапіцца на вочы фірмовая крама Беліта-Вітэкс, звярніце ўвагу на іх лімітаваныя калекцыі геляў для душа, серыю са смаўжовым муцынам, маску для вачэй і выдатную туш з арганавым алеем (бярыце менавіта залатую версію).
Каб даглядаць валасы, у Беліты ёсць вельмі шмат тавараў, мы раім купляць менавіта маскі: яны самыя патрэбныя. Узімку карысным будзе кандыцыянер з зімовай лініі: валасы з яго дапамогай менш электрызуюцца.
У халады важная дробязь у любой кішэні: бальзам для вуснаў. Мы рэкамендуем правераныя варыянты ад Nivea і Yves Rocher.
Дэкаратыўная касметыка беларускай вытворчасці ўжо шмат год трымае высокі ўзровень якасці. Варыянтаў падарункаў з гэтага сегмента вялікае мноства, і мы абралі найлепшыя, на наш погляд.
У Belor Design выйшла палетка для кантурыравання, якой вы парадуеце аматараў дэкаратыўнай касметыкі. Таксама ў гэтага брэнда можна купіць крутую туш і «той самы» хайлайтар, ад якога ў захапленні ўсе б'юці-блогеры.
Калі вы жывяце ў Мінску, зазірніце ў фірмовы магазін Reluois: добрым падарункам адтуль будзе практычна ўсё.
Цяпер чытаюць
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў106
Пальчыс заявіў, што гэта ён каардынаваў пратэсты 2020 года з Мінска і пісаў планы першых маршаў
«Дзіма, мой мікраскоп за паўмільёна еўра стаіць у тваёй клініцы. Абсталяванне скраў ты». Заснавальнік «Новага зроку» расказаў пра адносіны з сям'ёй Абельскіх2121
Каментары