Як вядома, расійскія футбалісты Аляксандр Какорын і Павел Мамаеў знаходзяцца пад вартай — ім пагражае да сямі гадоў зняволення за збіццё трох чалавек на пачатку кастрычніка.
Пасля праваслаўнага Раства яны возьмуць удзел у футбольным матчы супраць супрацоўнікаў СІЗА «Бутырка». Ідэю сустрэчы паміж вязнямі і работнікамі ізалятара ўжо ўхваліла кіраўніцтва Федэральнай службы выканання пакаранняў, паведамляе ТАСС.
«Хутчэй за ўсё, адзін тайм на поле правядзе Какорын, у другім выйдзе Мамаеў. Такім чынам, яны не ўбачаць адзін аднаго, і атрымліваць дазвол следчага для гульні не спатрэбіцца. Магчыма, яго ўдасца атрымаць, і тады яны змогуць згуляць ужо паўнавартасны матч», — паведаміла намеснік старшыні Грамадскай назіральнай камісіі Масквы Ева Меркачова.
Паводле дзеючых нарматыўных дакументаў, абвінавачаныя па адной і той жа крымінальнай справе не могуць бачыцца адзін з адным без дазволу следчага, таму Какорын і Мамаеў сядзяць у розных камерах і наведваюць спартзалу ў розны час.
Цяпер чытаюць
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай93
Каментары