Фонд Марыны Парашэнкі патраціў $38 тысяч на беларускі «Свабодны тэатр»
Украінскі культурны фонд, які на грамадзкіх пачатках ачольвае Марына Парашэнка, жонка дзейнага прэзідэнта Украіны, абнародаваў фінансавую справаздачу сваёй дзейнасьці ў 2018 годзе, піша Радыё Свабода.
На працягу году фонд дапамог у фінансаванні 293 праектаў у сферы культуры і інклюзіўнага мастацтва агульнай вартасцю 139,4 мільёна грыўняў (больш як 5 мільёнаў даляраў у эквіваленце).
У шэрагу гэтых праектаў — паказ у Кіеве спектаклю «Burning Doors» («Палаючыя дзверы»), пастаўленага беларускім «Свабодным тэатрам». На яго Ўкраінскі культурны фонд выдаткаваў 1,022 мільёна грыўняў (амаль 38 тысяч даляраў у эквіваленце) арганізатару гастроляў беларускага тэатра — кампаніі «ГАС Канцэрт».
Ініцыятарам паказу «Burning Doors» у Кіеве стаў украінскі музыка, вакаліст і аўтар тэкстаў гурту «Бумбокс» Андрэй Хлыўнюк, які з 2015 году супрацоўнічае з «Свабодным тэатрам».
Як расказала Свабодзе прэс-сакратар гурта Вольга Чарткова, згодна з умовамі, Украінскі культурны фонд прафінансаваў 50 адсоткаў выдаткаў: «Другую частку сродкаў дала кампанія-арганізатар «ГАС Канцэрт».
Арганізатары спектакля заяўлялі, што ўсе грошы, атрыманыя ад продажу квіткоў, будуць перададзеныя сем’ям украінцаў, якія ўтрымліваюцца ў турмах Расіі.
«Мы, як і абяцалі, усе сабраныя грошы перадалі праз фонд, які падтрымлівае сваякоў украінскіх палітвязняў», — дадала Вольга Чарткова. Яна адмовілася ўдакладніць суму і адрасатаў дапамогі, падкрэсліўшы нежаданне надаваць публічнасць дабрачыннай акцыі.
Праца беларускіх пастаноўшчыкаў Мікалая Халезіна і Наталлі Каляды была прадстаўленая кіеўскім гледачам летась у лістападзе на сцэне Нацыянальнага акадэмічнага драматычнага тэатра імя Івана Франка ў Кіеве ў межах міжнароднай кампаніі «Вызваліць Сянцова».
У спэктаклі апавядаліся гісторыі трох дзеячаў культуры, якія апынуліся ў турме — актывісткі фэмінісцкага панк-гурту Pussy Riot Марыі Алёхінай, расійскага мастака Пятра Паўленскага і ўкраінскага кінарэжысёра Алега Сянцова. У спектаклі гучала музыка гурту «Бумбокс».
-
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
-
Да гадавіны вялікага народнага ўздыму 2020‑га ў Вільні пройдуць марш з бубначамі, прабег і канцэрт
-
З М'янмы на радзіму вярнулася беларуска, якую там прымусова ўтрымлівалі
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі13
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары