У Гродне дэмантавалі помнік Чапаеву, каб потым яго зноў вярнуць на месца
Помнік дэмантавалі, каб правесці яго рэканструкцыю. У бюста зачысцяць знешнія пашкоджанні і правераць, у якім стане ён знаходзіцца ўнутры. Магчыма, там таксама патрэбна будзе правесці рамонтныя працы. Заадно правераць п’едэстал, бо па ім ужо пайшлі трэшчыны, расказаў прадстаўнік ЖКГ, піша Hrodna.life.
Пакуль што невядома, колькі часу зойме рэканструкцыя. Кошт будзе залежаць ад унутраных пашкоджанняў. Цягам года правераць і другія помнікі горада, у тым ліку танк на Савецкай плошчы. Гэта прымеркавана да 75-годдзя Гродзенскай вобласці.
Мінакі падыходзілі і цікавіліся, што будуць рабіць з помнікам. Дарэчы, гэта першая рэканструкцыя помніка. Гродзенцы фантазавалі, што, магчыма, у ім закладзена нават нейкая капсула з пасланнем.
Цяпер чытаюць
Топавы перакладчык паехаў у Беларусь мяняць пашпарт — і сеў за данаты. «КДБ паглядзеў на суму і вырашыў, што ніхто ў здаровым розуме не можа выдаткаваць столькі ўласных грошай»1313
Каментары