Венесуэльскія вайскоўцы ўжылі слезацечны газ і гумовыя кулі, каб не дапусціць у краіну грузавікі з гуманітарнай дапамогай, перадае The Guardian.
Пазней па невядомых прычынах адбылося ўзгаранне аднаго аўтамабіля, а з часам агонь распаўсюдзіўся і на іншыя грузавікі.
Інфармацыю пра гэта пацвердзіў таксама лідар апазіцыі Венесуэлы Хуан Гуайдо.
«Рэжым узурпатара ўжывае найбольш агідныя дзеянні і спрабуе спаліць грузавік з гуманітарнай дапамогай… Нашы адважныя добраахвотнікі ствараюць акружэнне для абароны прадуктаў харчавання і лекаў», — заявіў Гуайдо.
El régimen usurpador se vale de los actos más viles e intenta quemar el camión con ayuda humanitaria que se encuentra en Ureña.
Nuestros valientes voluntarios están realizando una cadena para salvaguardar la comida y las medicinas.
La avalancha humanitaria es indetenible pic.twitter.com/bU2PPzSGcu
Паводле паведамлення некамерцыйнай арганізацыі Foro Penal, не менш чатырох чалавек загінулі і 18 атрымалі раненні.
У сваю чаргу міністр замежных спраў Калумбіі Карлас Ольмес Трухільё заявіў, што сама меней 285 чалавек пацярпелі ў выніку сутыкненняў паміж валанцёрамі і венесуэльскімі праваахоўнымі органамі на мяжы Калумбіі і Венесуэлы.
Паводле кіраўніка знешнепалітычнага ведамства, сярод пацярпелых 255 венесуэльцаў і 30 калумбійцаў.
62‑гадовая бізнэсвумэн і мільянерка Ірына Цярэшчанка падзялілася гісторыяй свайго кахання з мужчынам, на 20 гадоў малодшым за яе6
Каментары