Акадэмік Жарэс Іванавіч Алфёраў, выбітны фізік, лаўрэат Нобелеўскай прэміі памёр сёння апоўначы на 89 годзе жыцця.
Пра гэта парталу «Навуковая Расія» паведаміла ягоная жонка Тамара Георгіеўна.
Алфёраў атрымаў Нобелеўскую прэмію па фізіцы ў 2000 годзе за распрацоўку паўправадніковых гетэраструктур і стварэнне хуткіх опта- і мікраэлектронных кампанентаў. Яго даследаванні адыгралі вялікую ролю ў інфарматыцы.
Нарадзіўся ў Віцебску ў 1930 годзе. Скончыў з залатым медалём сярэднюю школу № 42 ў Мінску, Ленінградскі электратэхнічны інстытут.
Працаваў у Фізіка-тэхнічным інстытуце імя А. Ф. Іофэ (з 1987 да мая 2003 года быў дырэктарам). Кандыдат фізіка-матэматычных навук (1961), доктар фізіка-матэматычных навук (1970). Акадэмік АН СССР (1979), потым РАН. У 1990-91 гадах — віцэ-прэзідэнт АН СССР, старшыня Прэзідыуму Ленінградcкага навуковага цэнтра. З 2003 года — старшыня Навукова-адукацыйнага комплекса «Санкт-Пецярбургскі фізіка-тэхнічны навукова-адукацыйны цэнтр» РАН.
Імя Жарэса Алфёрава носіць гімназія № 42 у Мінску.
Моднічаў, сябраваў з сынам Крапівы: цікавыя факты з жыцця Жарэса Алфёрава
Цяпер чытаюць
«Рэтранслятары выключыць, зняць і паказаць нам, што яны знятыя». Зяленскі патлумачыў, чаму паставіў ультыматум і што мае зрабіць Мінск41
Каментары