Мінула 155 год з дня смерці Каліноўскага, на выхадных у Вільні пройдуць урачыстасці, прысвечаныя гэтай даце
Шаноўныя сябры, запрашаем узяць удзел ва ўрачыстасьцях, прысьвечаных 155-м угодкам з дня сьмерці кіраўніка паўстаньня 1863—1864 гадоў на землях Літвы і Беларусі Кастуся Каліноўскага.
Урачыстасьці будуць адбывацца 22—23 сакавіка ў Вільні.
22 сакавіка
А 10.30 на Лукішскім пляцы (Lukiškių aikštė) званы касьцёла Сьв. Апосталаў Піліпа і Якуба будуць біць 155 разоў у гонар Кастуся Каліноўскага.
Пасьля ўрачыстасці, на працягу ўсяго дня, адбудзецца зачытваньне імёнаў паўстанцаў, якое будзе цягнуцца да 19 гадзіны, калі на Лукішскім пляцы будуць запаленыя 26 паходняў.
23 сакавіка
13.30 — збор удзельнікаў на вуліцы Сьвятога Ігната, 11 (Šv. Ignoto gatvė);
13.45 — пачатак шэсьця на Лукішскі пляц;
14.20 — пачатак урачыстасьцяў на Лукішскім пляцы (Lukiškių aikštė);
16.00 — гістарычны круглы стол, прысьвечаны асобе Кастуся Каліноўскага і паўстаньню 1863—1864 гадоў у Нацыянальным музэі Літвы (Arsenalo gatvė, 3);
18.00 — Імша памяці паўстанцаў у касьцёле Сьвятога Барталамея (Užupio gatvė, 17A).
Арганізатары ўрачыстасцяў: Віленскі беларускі музэй імя Івана Луцкевіча, Віленскі беларускі клюб «Сябрына», Таварыства беларускай культуры ў Літве, Беларуская нацыянальная памяць.
Каментары