Месцазнаходжанне арыштаваных за апошнія два дні 23 крымскіх татараў на гэты момант невядома, да іх не пускаюць адвакатаў. Пра гэта паведаміў журналіст «Радио Свобода» Антон Наумлюк у Facebook.
«Адвакатам, якія спрабавалі наведаць сваіх падабаронных у ІЧУ, кажуць, што іх там няма. Актывістам, якія спрабавалі перадаць перадачы ў СІЗА, кажуць тое ж самае», — напісаў карэспандэнт.
Ён адзначае, што абарона асцерагаецца, што ўсіх арыштаваных крымскіх татараў вывезлі ў Маскву.
Нагадаем, 27 сакавіка ў анексаваным Крыме расійскія сілавікі правялі не менш за 25 ператрусаў у дамах крымскататарскіх актывістаў нібыта па справе «Хізб ут-Тахрыр». 23 чалавек затрымалі, у тым ліку тых, хто прыйшоў падтрымаць людзей, якіх абшуквалі.
Мінская настаўніца звольнілася са школы за 3 месяцы да канца адпрацоўкі. Колькі прыйшлося заплаціць?26
Каментары