24-гадовы беларускі рэпер Бакей (сапраўднае імя Уладзіслаў Бельмач) на сваёй старонцы ў інстаграме абвесціў, што адмяняецца ягоны тур па гарадах краіны, які планаваўся ў красавіку. Бакей збіраўся выступіць ва ўсіх абласных цэнтрах Беларусі. Ужо былі дамоўленыя даты, а таксама пляцоўкі. Але трэба было атрымаць гастрольнае пасведчанне.
У Віцебску і Брэсце Бакею адмовілі ў «гастрольцы» праз «нізкі мастацкі ўзровень ягонай творчасці». Не атрымалася здабыць пасведчанне і ў Гродна з Магілёвам.
Што тычыцца Мінска, то Бакей спадзяецца яшчэ здабыць дазвол на выступ.
Рэпер Бакей нарадзіўся ў 1995 годзе ў Ямала-Нянецкай аўтаномнай акрузе Расіі, але з 1996 стала жыве ў Мінску. Скончыў Гандлёвы каледж. Рэп пачаў пісаць ад 2011 года. Выпусціў пяць альбомаў. Мянушку Бакей атрымаў, калі займаўся футболам.
«Сумны горад, пра які прынята добра казаць». Расіянка раскрытыкавала Мінск — беларусы ёй іранічна падзякавалі26
Каментары