25-гадовая брытанка Ліза Чэмбэрлэн зацяжарыла сіямскімі блізнятамі з двума галавамі й адным тулавам. Дактары параілі спарон, кабета адмовілся. Бо жывуць жа і такія людзі!
25-гадовая брытанка Ліза Чэмбэрлэн зацяжарыла сіямскімі блізнятамі з двума галавамі й адным тулавам. Ультрагукавое абследаванне на 9-м тыдні цяжарнасці паказала, што ў малеч б’ецца сэрца — невядома пакуль, два ці адно.
Дактары параілі кабеце зрабіць спарон, бо статыстыка сведчыць, што шанцы ў такіх дзяцей выжыць — не больш як 1 да 5-ці. І ў цэлым свеце вядомыя толькі 4 пары сіямскіх блізнят.
Ды насуперак парадам дактароў кабета вырашыла пакінуць дзіця. Ліза марна справабавала зацяжарыць цягам сямі гадоў і цяпер, паводле ейных слоў, пачуваецца дужа шчасьлівай. Называе сваё дзіця «Божым дарункам».
Апошнія сумневы Ліза адкінула, калі даведалася пра гісторыю 18-гадовых амэрыканак Эбігэйл і Брытані Генсэл. У дзяўчат два сэрцы, два страўнікі, тры лёгкія, два сьпінныя мазгі, але адно тулава з адной парай рук і ног.
«Іхнія твары натхнілі мяне, — прызналася Ліза Чэмбэрлен. — Яны далі мне надзею, што і мае два дзіцяткі маюць шанец пазмагацца», піша The Sun.
Сёстры Генсэл жывуць сёньня звычайным жыцьцём — ходзяць, бегаюць, езьдзяць роварам, плаваюць, граюць на фартэпіяна ды цікавяцца як навукай, так і модай.
Відэафільм пра сясцёр Гэнсэл да іхняга 16-годзьдзя |
Цяпер чытаюць
Пра Мелказёрава ў яго апошні дзень: «Было адчуванне, што ён стомлены, бракуе энергіі, рысы твару былі запалыя»1
Каментары