Праваслаўная царква Украіны даравала пераможцу прэзідэнцкіх выбараў Уладзіміру Зяленскаму жарт пра «тэрмас». Пра гэта заявіў ганаровы патрыярх ПЦУ Філарэт у інтэрв'ю Радыё Свабода.
«Вядома, нельга называць томас, за які мы змагаліся больш за 25 гадоў, «тэрмасам». Зяленскі ўжо папрасіў прабачэння за гэта. Гэта абразліва для Царквы — томас, які мае для нас вялікае значэнне, называць яго «тэрмасам»», — адзначыў ганаровы патрыярх ПЦУ.
«Але мы даруем новаабранаму прэзідэнту за гэтыя словы і не крыўдзімся», — дадаў Філарэт.
Ён таксама пракаментаваў словы з выступлення Зяленскага падчас дэбатаў аб тым, што томас — «гэта перамога перш за ўсё Філарэта, які змагаўся за ўкраінскую царкву» яшчэ да таго, як Пятро Парашэнка стаў прэзідэнтам.
«Калі б не было Кіеўскага патрыярхату, які я стварыў разам з народам праваслаўным, з архірэямі, з духавенствам, то ці магла б гаворка ісці пра томас, калі б царквы не было? Ясна, што не. І таму заслуга ў тым, што мы атрымалі томас, перш за ўсё тых, хто пабудаваў Царкву.
Але не трэба прымяншаць і значэнне прэзідэнта. Таму што Царква была, і прэзідэнты папярэднія звярталіся да Усяленскага патрыярха, але томаса не было. Таму вядома, што ёсць заслуга і прэзідэнта Парашэнкі», — сказаў Філарэт.
Як піша «Украінская праўда», раней у якасці акцёра пераможца прэзідэнцкіх выбараў Уладзімір Зяленскі жартаваў адносна томаса аб аўтакефаліі Праваслаўнай царквы Украіны, назваўшы яго «тэрмасам». За гэты жарт яго неаднаразова папракалі, у тым ліку, патрыярх Філарэт і дзеючы прэзідэнт Пятро Парашэнка.
Трамп падзякаваў «магутнаму лідару Беларусі»: Спадзяюся, 1300 чалавек хутка будуць вызвалены!55
Каментары