Пад Харкавам уцяклі расійскія палонныя і застрэлілі пяцярых салдат УСУ ў доме
13 кастрычніка, пасля абеду, у Харкаўскай вобласці невядомы мужчына адкрыў агонь па вайскоўцах Узброеных сіл Украіны. Загінулі пяцёра вайскоўцаў.
Паліцыя пацвердзіла забойства вайскоўцаў. Паводле «Главкома», у Харкаўскай вобласці шукаюць двух расійскіх ваеннапалонных, якія маглі ўцячы з месца ўтрымання. Аднак у каментары BBC паліцыя назвала нападніка невядомым.
«Здарэнне адбылося 13 кастрычніка. Невядомы адкрыў агонь з аўтаматычнай зброі і забіў пяцярых вайскоўцаў», — заявіла начальніца аддзела камунікацыі паліцыі Харкаўскай вобласці Людміла Пракапенка.
Паводле папярэдніх звестак, якія прыводзіць «Главком», узброены мужчына падышоў да дома, дзе знаходзіліся ўкраінскія вайскоўцы, і адкрыў агонь. Адзін вайсковец загінуў. Затым нападнік увайшоў у дом і працягнуў страляніну, забіўшы яшчэ чатырох.
Выданне сцвярджае, што страляніна працягвалася каля дзвюх гадзін, пасля чаго нападнік пакінуў месца здарэння.
«Главком» таксама паведамляе пра пошук двух расійскіх вайскоўцаў, якія, паводле папярэдніх даных, уцяклі з палону. Іх дачыненне да забойства ў прыведзеным каментары паліцыі не пацверджанае.
-
«Доктарка», адвакат, чалавек з камерай і некалькі дужых хлопцаў. У Петрапаўлаўскай Баршчагоўцы расійскія спецслужбы скарысталіся спецыфічным украінскім бізнэсам ваеннага часу
-
Расійскі афіцэр застрэліў на фронце ва Украіне двух сваіх жа вайскоўцаў
-
Пад Самарай пасля ўдару Украіны другія суткі гарыць адно з найбуйнейшых сховішчаў нафты ў Еўропе
Святлана Ціханоўская пра крытыку з боку Ціханоўскага: Мне ад гэтага вельмі крыўдна і непрыемна40
Каментары