Нацыянальная зборная Беларусі па футболе правяла трэці адборачны матч да Еўра-2020. І чарговы раз суступіла — на гэты раз зорнай зборнай Германіі.
Дагэтуль у нашых была буйная гасцявая параза ад Нідэрландаў (0:4) і мінімальная ад Паўночнай Ірландыі (1:2). Матч з немцамі быў першым хатнім. З прычыны Еўрапейскіх гульняў матч праходзіў у Барысаве, а не на стадыёне «Дынама» ў Мінску.
Германія забіла па адным голе ў кожным з таймаў. У першым адзначыўся Лерой Сане.
А ў другім — Марка Ройс. Выніковая перамога Германіі 2:0.
У другім матчы нашай групы Паўночная Ірландыя перамагла Эстонію з лікам 2:1. Цяпер становішча ў групе наступнае: Паўночная Ірландыя — 9 пунктаў, Германія — 6, Нідэрланды — 3, Беларусь, Эстонія — па 0.
11 чэрвеня наша каманда прыме ў Барысаве Паўночную Ірландыю.
Каментары