Віцебскі абласны суд прыгаварыў жыхара Віцебска да 14 гадоў і трох месяцаў пазбаўлення волі ў калоніі строгага рэжыму за пагрозу забойствам і замах на забойства з асаблівай жорсткасцю, паведамілі БелТА ў службе інфармацыі пракуратуры вобласці.
Суд таксама задаволіў патрабаванне пацярпелай — былой сужыцелькі абвінавачанага — аб спагнанні маральнай шкоды ў памеры 50 тысяч рублёў.
Мужчына ў жніўні 2018 гадоў ў стане алкагольнага ап'янення падчас раптоўнай сваркі пагражаў жанчыне забойствам. Праз два месяцы ў нецвярозым выглядзе ён падпільнаваў яе па дарозе на працу. Схапіўшы за вопратку, пацягнуў ў бязлюднае месца. Аднак жанчына вырвалася. Мужчына, дагнаўшы яе, біў нажом, трапляючы ў галаву, тулава і рукі, моцна знявечыў пацярпелай твар.
Ахвяра супраціўлялася, а калі больш ужо не магла, прыкінулася мёртвай.
Абвінавачаны ведаў, што жанчына да гэтага патэлефанавала ў міліцыю і паведаміла пра месца здарэння. Мяркуючы, што завяршыў задуманае, ён збег.
Цяпер чытаюць
«У сына на тэлефоне былі налепленыя сцяг і герб Расіі. З гэтага ўсё пачалося». Бацька школьніка з Баранавіч расказаў, як яго сына цкавалі аднакласнікі21
Каментары