Партыя прэзідэнта Украіны Уладзіміра Зяленскага «Слуга народа» можа атрымаць у новаабранай Вярхоўнай Радзе 248 месцаў. Такім чынам, яна зможа самастойна сфармаваць урад.
Пра гэта сведчаць вынікі падліку РБК пасля апрацоўкі Цэнтральнай выбарчай камісіяй (ЦВК) 52,70% пратаколаў.
Цяпер «Слуга народа» лідзіруе як па партыйных спісах, так і па аднамандатных акругах. Кандыдаты ад партыі Зяленскага лідзіруюць у 126 з 199 аднамандатных акругаў. Яшчэ 122 мандаты з 225 «Слуга народа» можа атрымаць па партыйных спісах, г.зн. сумарна гэтая партыя прэтэндуе на 248 месцаў у Вярхоўнай Радзе новага склікання.
У выпадку, калі партыя ўкраінскага прэзідэнта пасля апрацоўкі рэшты бюлетэняў не страціць створаную перавагу, то яна зможа ўпершыню за ўсю гісторыю краіны самастойна сфармаваць кабінет міністраў, не ствараючы кааліцыі з іншымі партыямі.
«Для беларускіх уладаў я, хутчэй, магчымасць, а не пагроза». Калеснікава дала вялікае інтэрв’ю Золатавай88
Каментары