Генеральная пракуратура адмовіла лідэру Аб`яднанай грамадзянскай партыі (АГП) Анатолю Лябедзьку ў выключэнні са спісу невыязных з Беларусі.
Як паведаміў палітык 2 лютага на прэс‑канферэнцыі ў офісе Партыі БНФ, на свой зварот у Генеральную пракуратуру па пытанні правамернасці абмежавання ў праве на выезд за межы Беларусі ён атрымаў адказ праз два месяцы. «У адказе гаворыцца: «Для высвятлення абставінаў, неабходных для прыняцця абгрунтаванага рашэння па Вашым звароце, у органы пракуратуры Расійскай Федэрацыі быў накіраваны адпаведны запыт. Да гэтага часу адказу на яго няма, што перашкаджае прыняццю рашэння па гэтым пытанні», — сказаў А.Лябедзька.
Палітык нагадаў,
што падставай для ўключэння ў спіс невыязных з Беларусі стала крымінальная справа, заведзеная ў адносінах да яго пяць гадоў таму па артыкуле «Абраза прэзідэнта Беларусі».«Справа распачата ў сувязі з інтэрв`ю, якое я даў Мікалаю Сванідзэ і праграме «Зеркало». Я не ведаю, які запыт быў накіраваны ў пракуратуру Расіі і з чым ён звязаны, бо касета з запісам інтэрв`ю ёсць у матэрыялах справы. Я прасіў беларускую Генпракуратуру або перадаць справу ў суд і судзіць мяне за злачынства, што мне інкрымінуецца, або закрыць крымінальную справу. Ні таго, ні другога пакуль не зроблена», — заявіў А.Лябедзька.
«Я лічу, што такім адказам пракуратура проста распісваецца ў тым, што яна не мае аўтарытэту не толькі ўнутры краіны, але і за яе межамі.Агульнавядома, што наша Генпракуратура сумесна са сваімі расійскімі калегамі стварыла нават сумесную калегію, каб аператыўна вырашаць пытанні, што тычацца агульных праблем. І атрымліваецца, што, маючы такую высокую ступень інтэграцыі, яны не могуць атрымаць ад сваіх калег проста пісьмовы адказ», — зазначыў А.Лябедзька.
У сувязі з гэтым палітык мае намер абскардзіць сваё ўключэнне ў спіс часова невыязных у судзе. А.Лябедзька таксама не выключае, што сам звернецца ў органы пракуратуры Расіі, з тым каб атрымаць ад іх пісьмовы адказ.
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ11
28‑гадовага авіятара асудзілі на 13 гадоў калоніі: «здрада дзяржаве» за перапіску з аднакурснікамі з УСУ
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»1010
Басіст «Пятлі», яго 18‑гадовы сын і зорка «Разбітага сэрца пацана» — расказваем пра беларускамоўны гурт Prypiać, які прэзентаваў аўтарскую «Калыханку»10
Небарака з Ляхавічаў знік «на СВА» ўжо на трэці дзень, а ў барацьбе за грабавыя счапіліся сястра, сужыцелька і жонка — з чатырма дзецьмі, але чужымі88
Каментары