Адшукваецца ўладальніца самых шыкоўных броваў у Беларусі: дзяўчына стане першай «Паннай Тбiлicоба»
24 жніўня ў цэнтры Мінска адбудзецца пяты фестываль сяброўства Беларусі і Грузіі «Тбiлicоба». Арганізатары шукаюць «Панну Тбiлiсоба», якую карануюць проста на фестывалі.
Крытэрый выбару не самы стандартны: ацэньвацца будуць бровы. Удзельнічаць могуць бровы любой формы, колеру, гушчыні, галоўнае — яны павінны адлюстроўваць характар прэтэндэнтак. Дзяўчыне, якая атрымае званне «Панны Тбiлiсоба», падораць гадавы абанемент на догляд броваў у броў-барк Fedina і гадавы запас мінеральнай вады Borjomi.
Незвычайны конкурс прыгажосці адбудзецца ў гэтую нядзелю, 18 жніўня, у броў-бары Fedina (зав. Малочны, 4) з 13:00 да 15:00. Выбіраць уладальніцу самых характэрных броваў Беларусі будуць папулярныя блогеры і стылісты.
Каб узяць удзел у конкурсе, трэба загадзя адправіць заяўку на пошту [email protected]. Заяўкі прымаюцца да 18:00 17 жніўня.
«Свята з грузiнска-беларускiм характарам» — пад такім лозунгам сёлета пройдзе фестываль «Тбілісоба».
«Каб падкрэсліць індывідуальнасць, трэба проста быць натуральнай: гэтую думку мы і хочам данесці сваім конкурсам. Бо бровы — гэта тая частка знешнасці, якую не схаваеш, як і яркі характар», — каментуе Дзяніс Крупец, дырэктар IDS Borjomi Belarus і арганізатар фэсту «Тбілісоба», і тлумачыць сэнс такога незвычайнага конкурсу.
Хто не пройдзе на конкурс, зможа паэксперыментаваць над бровамі ўжо падчас фэсту ў наступную суботу. Майстры з салона Fedina дапамогуць падкрэсліць свой характар і зробяць макіяж броваў любому ахвотнаму.
Выявіць характар 24 жніўня можна будзе і на іншых пляцоўках фестывалю. Напрыклад, на танцпляцоўцы разгорнецца батл паміж картулі (грузінскі вясельны танец), лявоніхай, вогам, хіп-хопам і кантэмпарары. А на грузінскім вяселлі, якое пройдзе проста падчас фестывалю, можна будзе пачуць самы доўгі тост і пазнаёміцца з традыцыйнымі абрадамі.
Цяпер чытаюць
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца3
«Я не святая, але ў мяне не было надзейнага пляча побач»: маці Ксюшы з СМА могуць пазбавіць бацькоўскіх правоў, яна ж даводзіць, што здольная выправіцца
Містычнае кола Вільні: Каліноўскі быў пахаваны з медальёнам святыні, каля якой вырас гатычны палац доктара з-пад Оршы. Цяпер парэшткі Каліноўскага перапахавалі ў магільні таго ж доктара2222
Каментары