Каля школы ў Гомелі сабраліся бацькі вучняў: яны патрабавалі вярнуць звольненага дырэктара ВІДЭА
У 13.30 каля школы № 15 у Гомелі сабраліся бацькі вучняў. Стыхійны сход адбыўся паміж дзвюма зменамі — адны забіралі дзяцей, іншыя прыводзілі, але абыякавым да скандалу ў школе і яго наступстваў не заставаўся амаль ніхто. Бацькі патрабавалі вярнуць дырэктара, піша Tut.by.
— Мы не сыйдзем і мы не баімся. Чалавек вельмі добры. Яна столькі зрабіла для школы, для тэрыторыі нават, асфальт тут быў — забіцца можна было. За школай парадак навяла. Яна прыйшла і зрабіла ўсё, каналізацыю памяняла. І гэта ўсё — за два гады, — кажа мама аднаго з вучняў.
— Мы не хочам, каб ляцелі галовы, не трэба ніякіх звальненняў, хай усё застанецца як было. Мы вельмі доўга да гэтага ішлі. Мы бачылі, што было да нашага дырэктара і баімся таго, што будзе пасля, — перажывае мама іншага вучня.
— Настаўніцу звольнілі незразумела за што. Ведаем нашу Людмілу Іванаўну, яна вельмі эмацыйны чалавек, і, калі нешта адбываецца, можа, не заўсёды можа выказаць свае думкі. І вось тады яна трыма словамі сказала, а ўсё перакруцілі, што яна ледзь не на могілкі гэта дзіця хацела адправіць. А яна мела на ўвазе, што, калі б спатыкнулася, яна б упала і забіла яго гэтай партай. Вось і ўсе словы.
— Учорашні вечар мы не забудзем. Спачатку такая добрая навіна пра тое, што настаўніцу вярнулі, а потым гэтая — што дырэктара звольнілі. Мы да ночы ўсё ператэлефаноўваліся, паверыць не маглі, і вырашылі, што мы так гэтую справу не пакінем
Праз пяць хвілін пасля пачатку імправізаванага бацькоўскага сходу да прысутных выйшлі прадстаўнікі адміністрацыі школы і папрасілі двух актывістаў прайсці з імі да дырэктаркі.
Выйшаўшы адтуль, актывісты не сталі каментаваць тое, што адбываецца і прапанавалі бацькам разыходзіцца.
Да журналістаў пасля заканчэння ўрокаў выйшла адноўленая на працы настаўнік Людміла Чацвярткова.
— Так, я выйшла на працу, вельмі цяжкі дзень, цяжкі стан.
— Што з дырэктарам? Яна звольненая?
— Я не магу гэта каментаваць.
Лукашэнка: На месцы настаўніцы я галаву адкруціў бы шчанюку
Настаўніца, звольненая і адноўленая ў Гомелі, ужо на працы: «Вы бачыце на маім твары ўсмешку?..» А дырэктарка плача
Хлопчыка з Гомеля, які канфліктаваў з той самай настаўніцай, выклікалі ў міліцыю
Цяпер чытаюць
Беларуска адначасова мела два грамадзянствы — але даведалася пра гэта толькі ў 21 год. Як так выйшла?1
Каментары