Экс-трэнер нацыянальнай зборнай Беларусі па футболе даў інтэрв'ю прэс-службе Parimatch, піша Tut.by.
— У лістападзе паедзеце ў Мёнхенгладбах на матч Германія — Беларусь? У ім, дарэчы, зыходзячы з каціровак Parimatch, шанцаў у нас няма.
— Так. Шанцаў у беларусаў, сапраўды, няма. Можа, буду каментаваць гульню для нямецкага тэлебачання. Прынамсі, цяпер чакаю прапаноў. Немцы зусім нічога не ведаюць аб вашай зборнай. Для іх беларускі футбол асацыюецца толькі з Глебам, а ён ужо скончыў кар'еру.
— У «Іслачы» яшчэ гуляе …
— Сур'ёзна?! Я нават не ведаў. Ну, у зборнай нешта Аляксандра ўсё роўна няма.
Таксама гер Штанге пракаментаваў шанцы зборнай Беларусі трапіць на Еўра-2020 праз плэй-оф Лігі нацый.
«Па-мойму, нават прафесіяналам нялёгка разабрацца ў яго рэгламенце. Нядаўна прэзідэнт «Баварыі» Улі Хенес сказаў, што толкам не разумее гэтую сістэму.
Але калі ў беларусаў ёсць рэальны шанец, то гэта выклікае пытанні да спаборніцтваў.
Па-мойму, на Еўра ўсё ж павінны трапляць самыя моцныя. Думаю, гэты турнір чакаюць змены», — сказаў нямецкі спецыяліст.
У чацвер у Мінску зборная Беларусі згуляе адборачны матч Еўра-2020 супраць Эстоніі, а ў нядзелю супраць Нідэрландаў.
Цяпер чытаюць
Хто прадаў кватэру ў «Маяку Мінска» зніклай Мельнікавай? Такога чалавека не існуе14
Каментары