Пасля забойства дзяўчынкі ў Гродзенскай вобласці вывучаць, як жывуць дзеці, якіх вярнулі бацькам
Адпаведнае рашэнне было прынята Камісіяй па справах непаўналетніх Гродзенскага аблвыканкама. Яшчэ да канца кастрычніка спецыялісты райвыканкамаў і адміністрацый Гродна старанна вывучаць, якое маюць становішча і ўмовы жыцця вернутыя бацькам дзеці, у тым ліку ў сувязі з аднаўленнем такіх бацькоў у іх правах, піша grodnonews.by.
Таксама спецыялісты звернуць увагу на змену месца пражывання сем’яў, у якія вярнулі дзяцей. У прыватнасці, сельсаветы цяпер будуць інфармаваць мясцовыя аддзелы адукацыі аб сем’ях, якія пражываюць на іх тэрыторыі без рэгістрацыі.
Да 1 лістапада ў раёнах і ў горадзе Гродна адказныя спецыялісты выбарачна вывучаць якасць арганізацыі школамі, гімназіямі і іншымі ўстановамі адукацыі сацыяльнага патранату дзяцей, што вярнулі ў сем'і.
За 2018 год і 9 месяцаў 2019-га камісіі па справах непаўналетніх у вобласці вярнулі 445 дзяцей. 40 разоў суды аднавілі бацькам іх бацькоўскія правы.
Каментары