Лукашэнка: Рашэнне захаваць традыцыю адзначаць 7 лістапада было слушным
Аб гэтым кіраўнік дзяржавы заявіў, адказваючы на пытанні журналістаў, піша БелТА.
Паводле слоў Аляксандра Лукашэнкі, захаваўшы свята, Беларусь працягнула традыцыю савецкіх часоў рабіць так званыя падарункі ўлады народу. «Мы захавалі гэта свята і падвялі пад яго адпаведную ідэалогію: будзем заканчваць будоўлі, уборку ўраджаю, падводзіць вынікі і гэтак далей, і падарункі людзям (рабіць)», — сказаў ён.
Пры гэтым краіна не адмовілася ад свайго гістарычнага мінулага; не было ў Беларусі, у адрозненне ад суседніх Украіны, Расіі, выпадкаў зносу помнікаў савецкіх часоў.
«Я гэта спыніў адразу. У нас гатовыя былі таксама зносіць помнікі, правесці дэкамунізацыю, люстрацыю — я гэта спыніў. І мы ад гэтага выйгралі. Сёння пачалі ўсё вяртацца да таго, што крытыкуюць: вось, помнікі знеслі. Мы нікому не знеслі, захавалі», — падкрэсліў кіраўнік дзяржавы.
Каментары