У Прэзідэнцкім аркестры ўпершыню змяніўся кіраўнік: Бабарыкін сышоў у адстаўку
Віктар Бабарыкін пакінуў пасаду мастацкага кіраўніка і галоўнага дырыжора Прэзідэнцкага аркестра. Інфармацыю пра гэта Tut.by пацвердзілі ў Палацы Рэспублікі, у структуры якога працуе аркестр.
На сённяшні дзень абавязкі галоўнага дырыжора выконвае Віталь Кульбакоў.
— Ён не новы чалавек у Прэзідэнцкім аркестры. Ужо восем гадоў працаваў другім дырыжорам, — кажа Максім Прыхадоўскі, намеснік дырэктара Палаца Рэспублікі.
— А што з Віктарам Бабарыкіным?
— З Віктарам Уладзіміравічам усё ў парадку, няма ніякіх праблем. Ніякіх падводных плыняў, гэта творчы, працоўны працэс.
Сам Бабарыкін не стаў каментаваць свой сыход з аркестра.
Гэты калектыў дырыжор узначальваў з 2002 года, калі Прэзідэнцкі аркестр быў створаны па распараджэнні Аляксандра Лукашэнкі.
Каментары