У Малдове арыштавалі мільённыя актывы алігарха Плахатнюка, які кантралюе палову краіны
Антыкарупцыйная пракуратура Малдовы наклала арышт на банкаўскія рахункі і актывы алігарха і былога старшыні Дэмакратычнай партыі Малдовы (ДПМ) Уладзіміра Плахатнюка. Пра гэта паведамляе lenta.ru са спасылкай на ведамства.
Арышт накладзены на маёмасць на больш за тры мільёны даляраў. У ведамстве ўдакладнілі, што мера прынята з-за расследавання крымінальных спраў аб адмыванні грошай у асабліва буйных памерах, у якіх фігуруе Плахатнюк. У пракуратуры дадалі, што арышт быў ужыты, каб «пазбегнуць рызыкі адчужэння грашовых сродкаў».
Паведамляецца, што арышт накладзены на два банкаўскія рахункі збеглага алігарха ў Victoriabank і ўсе статутныя капіталы кампаній SRL BB Dializa і SRL BASS-Systems. Акрамя гэтага, арыштавана маёмасць медыя холдынгу Плахатнюка, які кіруе чатырма тэлеканаламі і двума радыёстанцыямі.
Па дадзеных следства, Плахатнюк стварыў злачынную схему для адмывання грошай. Ён адкрываў арганізацыі праз падстаўных асоб, дзякуючы чаму адмыў каля 18 мільёнаў даляраў і 3,5 мільёна еўра. Раней Плахатнюка абвясцілі ў міждзяржаўны і міжнародны вышук.
Уладзімір Плахатнюк — бізнэсовец і палітык, якога лічаць самым багатым і ўплывовым чалавекам у Малдове. Ён узначальваў партыю ДПМ, якая ў чэрвені страціла статус кіруючай. Новы ўрад краіны неаднаразова падкрэсліваў, што ачышчэнне ўлады ад уплыву Плахатнюка — галоўнае дасягненне апошніх гадоў. Пасля ўцёкаў алігарха з краіны ў Малдове быў запушчаны шэраг расследаванняў, якія тычацца ягонай дзейнасці.
-
Падчас бамбардзіровак Ірана амерыканцы не кранаюць маленькі востраў — галоўную нафтавую артэрыю. Чаму?
-
Цана Brent адкацілася да $90 за бараль на фоне абяцанняў Трампа хутка скончыць вайну супраць Ірана
-
Камандуючы элітнага іранскага спецназа працаваў на Ізраіль? Кажуць, ён саскочыў з сустрэчы ў Хаменеі за паўгадзіны да ўдару
Каментары