Словы Аляксандра Лукашэнкі аб чужых войнах былі вырваныя з кантэксту. Пра гэта РИА Новости заявіла прэс-сакратарка беларускага лідара Наталля Эйсмант.
«Усё крайне ясна: кажучы пра гэта, прэзідэнт меў на ўвазе, што наваяваліся — і Беларусь, і Расія — хопіць!» — удакладніла прадстаўніца Лукашэнкі. Яна дадала, што калі нехта і выракаўся чагосьці, то гэта «рабілася ў самой Расіі, і не аднойчы». Пры гэтым прыводзіць прыклады Эйсмант не стала.
«Жадаеце паглядзець, як шануюць памяць пра абаронцаў Айчыны, — прыязджайце ў Беларусь! Проста камусьці трэба, каб гэтая быццам бы крайне зразумелая тэма раптам загучала», — адзначыла яна.
Прэс-сакратарка таксама заклікала Маскву і Мінск вырашаць надзённыя праблемы, напрыклад, з газам, нафтай ці прадуктамі харчавання.
Цяпер чытаюць
Падпалкоўніка з факультэта вайсковай разведкі судзяць за «здраду дзяржаве» па справе, якая выглядае палітычнай. Што пра яго вядома?6
Каментары