Карціна Бэза Лурмана – эпас, дзе спалучаюцца меладрама і камедыя, кадры вестэрна – і шаманскія спевы, дэтэктыў – і сацыяльная крытыка.
Аўстралія (Australia)
Аўстралія – ЗША, 2008, каляровы, 165 хв.
Рэжысёр: Бэз Лурман
Ролі выконваюць: Ніколь Кідман, Г’ю Джэкман, Брэндан Ўолтэрз, Эдзі Бару, Браян Браўн, Дэйвід Ўэнгам
Жанр: Эпічная драма
Адзнака: 7 (з 10)
Ангельская арыстакратка Эшлі (Ніколь Кідман) наконадні Другой сусветнай вайны прыяжджае да мужа ў Аўстралію. Толькі муж забіты, ферму абкрадаюць – і трэба перагнаць 2000 быкоў за сотню міляў у горад Дарвін. Дапамагчы выклікаецца грубы пагоншчык Дровэр (Г’ю Джэкман). Але Аўстралія ўжо пад прыцэлам японскім бамбардзіроўшчыкаў.
Карціна Бэза Лурмана – эпас, дзе спалучаюцца меладрама і камедыя, кадры вестэрна – і шаманскія спевы, дэтэктыў – і сацыяльная крытыка. Кактэйль, які мусіў быць несумяшчальным – хаця і не без цяжкасцяў, атрымаўся.
Пейзажы пустыні – і раз’юшаны статак, які нясецца на маленькага хлопчыка; балі й свецкія плёткі, бомбы над горадам – і любоў пад дрэвам, кенгуру; кінатэатр, абмыты даждом.
Аўстраліец Бэз Лурман – зрабіў эпас пра краіну, якая нядаўна набыла й асэнсавала сваю гісторыю. Мы прызвычаіліся, што Аўстралія – гэта дзіўныя жывёлы, пустыні, каралавыя рыфы – райскае мястэчка памерамі з кантынент. Але ў гэтым мястэчку разгортваліся свае жарсці.
Маленькі хлопчык, ад імя якога вядзецца апавяданне – абарыген, метыс. Аўстралія не пазбегла расісцкіх забабонаў – і галівудскія героі годна змагаюцца з гэтымі забабонамі.
Цяпер чытаюць
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?
«Галандскі архітэктар», які адбудаваў Вострую браму і паставіў сабе дом-крэпасць у Гайцюнішках, аказаўся ніякім не галандцам. Але яго спадчына захапляе99
Каментары